(NLTimes) – Leyden Labs, ken a desaroya medicina preventivo manera spray nasal contra di virusnan a recauda 125 miyon euro den un ronda di inversion nobo. E compania ta trahando riba un spray nasal contra di coronavirus.

E compania di biotech tambe a anuncia un colaboracion via di un acuerdo di licencia cu compania di vacuna Janssen pa desaroya un anticurpa contra tur virus. “Cu un vacuna, bo curpa ta crea anticurpa. E spray nasal ta ofrece un proteccion extra exactamente unda e virus ta drenta e curpa, independientemente di un sistema inmunologico y su estado. Nos ta poniendo soldaat directamente den e nanishi,” CEO Koenraad Wiedhaup a splica.

Segun Wiedhaup, e pandemia di coronavirus a demostra cu tin cu haci mas recurso disponibel cotra di virusnan den futuro. E colaboracion mester sigura cu testnan clinico pa e anticurpa lo cuminsa lo mas pronto posibel. Wiedhaup no por a bisa ki tempo e spray nasal lo drenta mercado.

Den adicion na e desaroyo di productonan, e placa tambe lo ser usa pa expande e ekipo y e laboratorionan na Leiden y Boston na Merca. Aña pasa, Leyden Labs a recauda 40 miyon euro. Esaki ta trece e total desde cu e compania a cuminsa den aña 2020 na 165 miyon euro. LEyden Labs ta emplea mas o menos 40 persona. Wiedhaup ta premira di aumenta e cantidad aki te cu 70 den e siguiente 6 luna.

E inversion a bini di inversionistanan existente y nobo. Den un ronda di inversion inicial, inversornan den sector di salud F-Prime Capital y Casdin Capital a inverti placa den e compania. GV, e departamento di inversion di compania cu ta doño di Google, Alphabet y e compania Mericano Brook Byers tambe lo inverti. Inversionista tecnologico SoftBank, compania Britanico di inversion INvus, y American Bluebird Ventures tabata e inversionistanan nobo.

LEAVE A REPLY

Please enter your comment!
Please enter your name here