Ayera riba rednan social a bira conoci e tristo noticia di e fayecimento di Ronnie, un ex-trahador di La Linda kende tabata conoci pa su sentido unico di moda y vestuario original.
Ronnie, kende den comunidad tabata conoci como e “Best Dressed Man” di Aruba, a traha hopi aña na e tienda La Linda den Caya Grandi. Ademas di su imagen elegante, e tabata un persona hopi amable, cu a crea un impresion positivo den hopi cu tabata bishita e tienda.
Riba rednan social, usuarionan a recorda Ronnie. “E tabata hopi atento y amable,” un usuario a comenta, mientras otro a añadi cu Ronnie tabata “semper cordial y cu respet” y otro mas a record’e como “un gran persona cu su elegancia como semper.”
Bon Dia Aruba ta manda palabra di condolencia na famia y sernan keri di Ronnie, y cu Ronnie sosega na paz.
