(FoxNews) – Conan O’Brien a anuncia cu su talk show riba TBS oficialmente lo yega su fin dia 24 di juni proximo.

E anfitrion anteriormente a anuncia cu su show regular lo termina na fin di juni di e aña aki, mientras e ta transiciona na un serie semanal riba HBO Max. Sinembargo, dialuna el a tuma tempo den su show pa pone fecha final oficial na ‘Conan’ y splica con e kier pa su ultimo episodionan bay.

“Imagina un show di cushina cu popchi y bo lo tin e idea robes”, O’Brien a bisa di loke ta e di cuatro edicion di un show cune como strea.

“En todo caso, nos ta bay haci e switch aki. Algun di boso probablemente ta puntrando pakico mi ta haci esaki? Pakico termina cosnan aki na TBS? Mi lo bisa bo cu un monk Budista hopi bieu un biaha a bisa mi cu pa piki algo prome bo mester pone algo abao”, el a continua. “Mi ta bay ta honesto, e tabata burachi y hopi incoherente. Mi ta mantene cu bo por piki dos cos si bo usa ambos man. El a djis rabia y a cuminsa purba dal mi, pues mi a termina e combersacion y a tuma su conseho.”

O’Brien ta terminando su racha como e anfitrion di late-night talk show cu carera mas largo na Merca despues di haya un comienso improbabel na 1993 como anfitrion di ‘Late Night’. Eventualmente el a pasa un rato cortico como anfitrion di ‘The Tonight Show’ prome cu famosamente a separa di NBC y hiba su talento na TBS 11 aña pasa. E ganador di Emmy desde e tempo ey a drenta mundo di podcast, entretenimento en bibo y specialnan di television den cual e ta biaha na otro paisnan.

Cu mas di un decada di historia TBS tras di su lomba, e strea a laga cla cu e kier pasa su ultimo simannan cu e canal refleccionando riba e trabao cu e y su personal a logra. “E plan ta cu nos ta bay mustra cantidad di clip di nos momentonan faborito for di e ultimo 11 aña”, el a bisa. “Nos ta bay tin algun invitado special, mi ta kere nos ta bay crea un ambiente hopi dibertido, special. Mi ta kere e ta bay ta hopi dibertido.”

El a continua gradiciendo e canal pa dun’e oportunidad pa continua su carera late-night despues cu cosnan a parce incierto memey di su salida di NBC.

“Mi djis kier destaca cu pa 11 aña e hendenan na Turner ta absolutamente amabel cu mi y tur hende aki na e trahadornan”, el a bisa. “Nan a duna mi un cas tempo cu mi tabatin mester di dje y mi ta eternamente gradici. Mi ta hopi orguyoso di loke nos a logra aki.”

El a conclui: “Loke mi kier ta, mi lo kier e ultimo simannan aki ta algo bunita pa recorda tur e locura absurdo cu mi team y ami a prepara.”