Lo tin atrobe competencia den vuelonan cu destinacion pa Aruba, Boneiro y Corsou despues cu e compania Aruba Airlines a duna di conoce cu nan ta agrega un avion nobo na nan flota.
Ya caba pa hopi tempo ta un solo aerolinea tin ta bulando pa e destinacionnan aki, cual ta trece cu ne un tipo di monopolio. Basicamente na e momento aki mester paga locual ta wordo exigi si bo kier biaha entre e islanan aki. Segun fuentenan cerca di e desaroyo aki, e intencion di Aruba Airlines ta pa bin cu vuelonan 3 biaha pa dia, haciendo uzo di e avion tipo Dash-8 cu por transporta 50 persona. Actualmente e compania aki tin dos avion tipo Airbus cu no ta adecua pa vuelonan di distancia corto. E operacion aki ta programa pa inicia den e proximo lunanan nos dilanti. Esaki ta trece un espacio nobo pa competencia riba e mercado, cual ta haci cu e consumidor tin mas opcion y hasta kisas na un miho prijs.
Nos redaccion a tuma contacto cu e aerolinea pero a comprende cu durante e simannan nos dilanti nan lo ta dunando mas informacion riba e tema aki y kico e plannan exacto ta.
