E malesa sarampi a mata casi 5.000 persona den Republica Democratico di Congo. Autoridad ta bisa cu henter a malesa a plama na tur provincia di e pais.

Casi un quart miyon di persona a haya infeccion pa aña 2019. World Health Organization (WHO) a bisa cu ta trata di e epidemia mas largo y cu ta avansando lihe. Sarampi na Congo a mata dobel e cantidad di hende cu a fayece pa motibo di Ebola den ultimo 15 luna.

Gobierno di Congo y WHO a lansa un programa di vacunacion di emergencia na september cu a aplica pa mas di 800.000 mucha, pero pa motibo di mal infrastructura, atake na centro di salud y falta di acceso na cuido di salud rutinario, henter e pais ta keda infecta cu malesa.

4 miyon di mucha a haya e vacuna, pero experto ta avisa cu e cantidad aki ta menos cu mita di henter e totalidad di e pais. No tin mucho vacuna disponibel. Mayoria di esunnan infecta cu sarampi den e pais ta mucha.

E virus di sarampi ta cuminsa cu keintura, nanishi ta core y ta nister. Dia despues e persona infecta ta cuminsa sinti rash, despues na e cara y ta yega na henter e curpa.

Mayoria di persona lo recupera, pero sarampi por causa discapacidad pa bida largo. E por ta mortal, specialmente si e yega na e pulmon of encephalitis (cerebro ta hincha). Ta calcula cu 110.000 persona ta muri pa sarampi cada aña rond di mundo.

LEAVE A REPLY

Please enter your comment!
Please enter your name here