Informacion cu a drenta cerca sala di redaccion di Bon Dia Aruba ta indica cu comerciante Haime Hochman a fayece. Durante ultimo añanan Hochman tabata encarga cu e maneho di e negoshi La Linda, despues cu su mama, Sra. Anna Hochman-Britten a fayece.
E fayecimento di Sr. Haime Hochman a tuma luga despues cu recientemente a bira conoci cu despues di un discusion huridico di varios aña, finalmente Hoge Raad di Hulanda a bin cu un decision final riba un herencia balora na mas cu 100 miyon dollar cu Sr. Carlos y Sra. Anna Hochman a laga atras.
