(AP) – Adultonan di edad svansa cu no tin problema di curason no mester bebe aspirin pa preveni un prome atake di curason of atake cerebral, un grupo di influencia di guianan di salud a bisa den un conseho preliminar actualisa riba diamars.

Riesgonan di sangramento pa adultonan di 60+ y cu no a yega di tin un atake di curason ta hopi mas grandi cu e beneficionan potencial di uso di aspirin, e U.S Preventive Services Task Force a bisa den e prome version di e guianan nobo.

Pa prome biaha, e panel a bisa cu tin posibilidad di un beneficio chikito pa adulto den edad di 40 aña cu no tin riesgo di sangramento. Pa esunnan den nan 50 aña di edad, e panel a duna otro conseho bisando cu e beneficio no ta mesun cla.

E recomendacionnan ta pa e personanan cu tin presion di sanger halto, colesterol halto, obesidad of otro condicionnan cu ta aumenta nan chens di haya atake di curason. No dependiente di e edad, adultonan mester papia cu nan dokter prome cu stop of cuminsa uso di aspirin pa sigura cu esaki ta e miho opcion pa nan, segun miembro di e servicio, Dr. John Wong, un experto den cuido primario na Tufts Medical Center. “Uso di aspirin por causa problema serio, y e riesgo ta aumenta cu edad,” el a bisa.

Si finalisa, e conseho pa adultonan di edad mas avansa por cambia, conseho cu e panel a duna na aña 2016, pa yuda preveni e prome atake di curason of atake cerebral, pero tambe esaki lo ta mas den linea cu e guianan reciente di otro gruponan medico.

E Task Force anteriormente a bisa cu cierto hende den nan edad di 50 pa 60 aña mester considera uso di aspirin diario pa preveni un prome atake di curason of atake cerebral, y cu nan tin posibilidad di ofrece proteccion contra cancer di colon. E guia actualisa ta bisa cu tin mester di mas evidencia pa demostra beneficio pa cancer di colon.

E guia a ser publica online pa permiti comentario publico te cu dia 8 di november. E grupo lo evalua e comentario di e publico y despues tuma un decision final.

LEAVE A REPLY

Please enter your comment!
Please enter your name here