Consumo di tabaco su impacto mortal ta costa 1 biyon dollar anual na economia mundial

Paisnan cu ta miembro di OPS/OMS (Organisacion Pan Americano y Organisacion mundial di Salud) a haci nan esfuersonan realmente grandi pa implementacion di Convenio di OMS pa controla e tabaco, cu ta e prome tratado internacional di salud rond mundo, cu a drenta den vigencia un decada pasa.

A pesar di un oposicion hopi pisa henter e industria di tabaco un number basta significativo di paisnan na continente Mericano a logra avance hopi importante den implementacion di e tratado di OMS pa e control di tabaco.

E maneho di control di tabaco ta inclui aumento di impuesto riba prijs di tabaco locual ta produci entrada significativo. Esaki ta yuda pa financia iniciativa di salud, segun un rapport nobo di OMS. E medidanan aki tambe por yuda reduci ampliamente e consumo di tabaco y protege e salud di e poblacion di e principal causa di morto den henter mundo, manera cancer y malesa cardio vascular.

Sinembargo e industria di tabaco y e impacto mortal di su producto ta costa 1 biyon dollar anual na e economia mundial. E gastonan aki tin di haber cu atencion di salud y perdida di productividad, esaki segun datonan publica pa The Economics of tabaco and tabaco control. Actualmente, alrededor di 6 miyon hende ta muri cada aña como consecuencia di e consumo di tabaco, mayoria di nan ta biba den paisnan den desaroyo.

Tambe a wordo informa cu mundialmente tin 1.100 miyon di humado di tabaco di 15 aña di edad of mas. Alrededor di un 80% di nan ta bibando den paisnan di poco of regular ingreso. Aproximadamente 226 miyon di humado ta biba den pobreza.

Dies aña pasa establecimento di un ambiente liber di tabaco, advertencianan grafico riba paki, prohibi su publicidad, promocion y sponsor, mescos su aumento di impuesto tabata un soño.

Tabaco ta e unico producto di consumo legal cu ta mata te hasta mita di e hende cu ta uza esaki di acuerdo na indicacionnan di lesnan cu ta fabrica. E ta mata un persona cada seis seconde mundalmente. Su consumo ta un factor di risico comun na e cuatro malesa no trasmisibel mas frecuente: malesanan di curason, malesanan respiratorio cronico, cancer y diabetes.

Pa baha efectonan asina malo di epidemia di tabaco, e paisnan miembro di OMS a adopta e tratado na 2003, cual a drenta na vigor dia 27 di februari 2005. E tratado aki huridico ta establece un cantidad de medida pa baha e demanda y oferta di tabaco. E medidanan ta bay for di aumento di impuesto, luga nan liber di tabaco y huma te hasta propaganda sanitario grafico obligatorio y prohibicion di tur manera di publicidad, promocion y sponsor.

E aplicacion pleno di e tratado aki a conduci na un 30% di disminucion di e humamento of consumo di tabaco den hende mayor cu 15 aña y a contribui na un meta mundial di baha te na un 25% e morto prematuro di malesanan no transmisibel pa aña 2025. Pero e meta aki tin su retonan cu ne.

Progreso na continente Mericano
Na e continente aki, 30 di e 35 paisnan a ratifica e convenio durante ultimo dies añanan. E progreso regional pa ehecuta e prohibicion aki ta inclui:

– 17 paisnan a aproba leynan cu ta prohibi huma den luganan publico y luganan di traha cu ta cera. Esaki ta un medida cu ta proteha es nan cu no ta huma for di expone nan mes na huma di tabaco di otro hende y tambe ta yuda e humado pa stop cu e custumber aki.

– 17 paisnan ta exigi e uzo di advertencianan sanitario di por lo menos 50% di e size di e paki di sigaria cu ta inclui algun imagen cu ta mustra e efecto asina malo di tabaco pa salud di hende.

– Seis paisnan a prohibi completamente tur manera di publicidad, promocion y sponsor di tabaco

– Paisnan manera Brasil, Chile, Costa Rica, Ecuador, Granada, Mexico, Panama, St Lucia, Surinam, Uruguay y Venezuela a hisa e impuesto di tabaco loke ta hiba na menos consumo dor di e prijs. Costa Rica y Panama ta uza e income extra pa financiamento di programanan di salud.

– Cinco paisnan: Brasil, Chile, Canada, Panama y Uruguay ta na caminda pa logra e pleno implementacion di e tratado despues di a implementa casi tur seis medida mas efectivo (MPOWER) pa baha e consumo di tabaco.

Gran parti di e convenio di America aki a wordo logra a pesar di e oposicion activo di industria di tabaco y via di ehercicio di influencia riba e legislado nan.

MPOWER
MPOWER ta un instrumento crea pa OMS den apoyo na tur esfuerso nacional pa ehecuta y haci e intervencion di control di tabaco. MPOWER tin seis componente:

  1. Vigilancia di consumo di tabaco y politica nan di prevencion
  2. Proteha e poblacion di e huma di tabaco
  3. Ofrece ayudo pa stop di huma
  4. Adverti tocante peligernan di tabaco
  5. Siguransa di cumplimento di prohibicion tocante publicidad, promocion y sponsor di tabaco
  6. Hisamento di impuesto riba tabaco

You May Also Like

Fta trahado aura casino (1).jpg

Ainda cantidad di trahado di Aura casino ta na cas y sin entrada

Apesar di tur esfuerso cu a wordo haci, ainda tin un cantidad di trahadonan ...

12Jul, JO, Dump1.jpg

Situacion deplorabel na dump, sushi ta drenta lama

Segun Parlamentario Xiomara Ruiz-Maduro,  e situacion na dump ta un topico cu ta hopi ...

STA kier mas claridad di Aruba riba prima di pension

Mediador interino di gobierno, Marushka Tromp a declara na Bon Dia Aruba cu e ...

A7 WTO (NP) (1).jpg

Secretario General di UNWTO: “Mundo lo ta un miho luga si nos ta biaha mas”

E prome dia di e conferencia di turismo Happiness 360, a tuma luga ayera ...

31augNg Parkietenbos.jpg

Stichting Parkietenbos: A entrega manifiesto na Gobierno pa cera dump

Stichting Parkietenbos representando e barionan di Cas Paloma, Simeon Antonio, Parkietenbos, Buena Vista, Mahuma ...

Ainda 15.834 automobilista no a paga impuesto

ORANJESTAD – E siman aki, kiermen mañan, nos ta yega na e fecha final ...