Gobierno a anuncia controlnan nobo di vivienda pa trata di garantisa cu e viviendanan ta mas accesibel pa huur y pa cumpradonan nobo. E aumento di prijs maximo cu e propietarionan por pidi pa huur di cas riba mercado liber ta limita na 2.5% ma inflacion.

E mes un tipo di control tocante e aumento ta normal den e sector di vivienda social. E consehonan local tambe lo tin podernan nobo pa reserva viviendanan di cierto vecindario pa cumpradonan cu ta cumpra pa prome biaha y esunnan cu un minimumloon, pa prohibi investornan profesional cu tin e intencion di huur. Amsterdam ya a anuncia cu e casnan nobo cu ta ser construi riba su tereno lo tin convenio cu lo restringi e posibilidadnan di lease.

E minister di Asuntonan interno Kajsa Ollongren, a bisa den un comunicado di prensa di gobierno: “ Tur tin e derecho di vivienda digno y accesibel y specialmente den e temponan insigur, ta hopi importante pa tin un dak riba bo cabes. Kiermen mi ta trahando duro riba e reglanan pa mehora accesibilidad di hogarnan y combati e exceso”. E leynan nobo cu actualmente ta ser elabora, tambe lo facilita e extension di un contract di huur temporal.

 

LEAVE A REPLY

Please enter your comment!
Please enter your name here