Diasabra proximo riba Dia di Betico, Joe Laveist Sportpark lo tin partido nan di futbol den e categoria U11 organisa pa FC San Nicolas y cu ta hiba e nomber di Copa Brian Autoparts.

Durante un conferencia di prensa a anuncia e ekipo nan cu lo ta participando den e torneo aki. Un total di 8 ekipo lo bataya contra otro pa mira ken lo bay cu e titulo maximo. E torneo ta conta cu participacion di Uptown Allstars, Aruba Soccer Academy, Bubali, Unistars, Dakota, FC San Nicolas, Estrella y RCA.

Actividad ta inicia 9or di mainta cu un desfile di e ekipo nan participante despues sigui pa e diferente wega nan. Lo ta calcula cu pa 5or di atardi e gran final tuma luga. Ban celebra e dia aki y asisti na e evento aki dedica na nos hoben nan cu ta practica e deporte di futbol.

FC San Nicolas kier a gradici Brian Auto Parts pa kere den nan y haci e evento aki uno posibel. Y ta spera cu den un siguiente evento por conta cu mas ekipo y haci e torneo uno mucho mas grandi.

LEAVE A REPLY

Please enter your comment!
Please enter your name here