Dinamarca lo reestablece temporalmente e control di frontera cu Suecia. Lo aumenta e trabou policial despues di un serie di crimen violento y explosion rond di Copenhagen.

Control lo cuminsa awe durante 6 luna y lo tuma luga na e brug di Oresund entre Copenhagen y ciudad Sueco di Malmo y na e haf di ferry. Lene Frank, polis nacional di Dinamarca a bisa cu lo tin control di persona cu ta crusa frontera.

Polis lo enfoca particularmente riba crimen cu ta involucra explosivo, arma y droga. For di februari tin 12 explosion na Copenhagen. Autoridad ta kere cu un explosion dia 6 di augustus na Agencia Tributaria Danes tabata causa pa delincuente cu a crusa frontera cu Suecia.

Diasabra, un mucha di 15 aña a muri pa motibo di tiramento y otro mucha a resulta herida na Malmo, e di tres ciudad mas grandi di Suecia cu ta e otro banda di Copenhagen. E tiramento a pasa algun minuut despues di un explosion na districto di Malmo.

Polis na Malmo, un ciudad di Suecia cu tambe a wordo golpia pa explosion y tiramento entre gang, lo conta cu agente di polis adicional pa combati e violencia, segun Carina Persson, hefe di polis regional di sur di Suecia.

“Nos tin un situacion grave. Habitantenan di Suecia mester sinti nan mes sigur, sea ta na e caya y plasa cerca di nan cas, area residencial of unda cu nan ta”, Prome Minister Stefan Lofven a bisa na agencia di noticia Sueco.

 

LEAVE A REPLY

Please enter your comment!
Please enter your name here