E ehercicio final a yega na su fin. Ocho Militar di curmil y arumil cu esaki a termina cu exito nan (Voortgezette Vak Opleiding) VVO/Formacion Avansa Profesional. Di esakinan tin shete Militar di curmil y unu di arumil. E VVO ta e formacion cu Militarnan mester sigui na e comando di forsa nan Naval, pa por bira Korporal (Onderofficier).
Durante e entrenamento, cu a dura 24 siman, e Militarnan ta experiencia e transformacion di miembro di ehercito pa un futuro aspirando Gerente. Tambe nan ta ser di test riba nan fortalesa fisico y mental y nan capacidad pa planifica y prepara accionnan.
Ehercicio Final
Durante e ehercicio final (FINEX), durante e siman aki tur cos ta bini hunto. Pa e ocho alumnonan tabata un siman pica pa pasa dor di dje. Cabesante di Centro di Entrenamento CARIB, capitan di Mariniernan Oraño van der Meer, p’esei ta orguyoso:
Respet bo no ta ricibi a base di bo strepinan, pero a base di ken bo ta como hende, lider y persona capacita. Guiando pa medio di ehempel. E Militarnan aki cada un a demostra cu nan tin e caracteristicanan corecto aki den nan.’’
E ehercicio final awe mainta a clausura cu un marcha final cu a termina na Kazerne di Marina na Suffisant. Eynan entre otro nan famia y amigonan tabata warda riba nan. Despues di entrada e asenso pa bira Korporal a tuma luga Awor nan ta bay sigui cu formacion adicional pa bira BAVPOL (Buitengewoon agent van de politie) Agente extraordinario di Polis.
