Diaranson durante oranan di atardi RCC a observa un boto sospechoso den Caracasbaai. E boto aki tabatin tres persona abordo y nan tabata di Boneiro. Debi na e circunstancianan sospechoso, RCC a manda un patruya di Metal Shark pa Caracasbaai.
E boto di pisca ‘Capo’ a ser haya na puerto piskero di Caracasbaai. Na su yegada, e ekipo di Metal Shark a subi a bordo pa revisa e boto y e tripulacion. Durante control, autoridad a haya tres tas cu diferente pakete, cu probablemente tabata contene droga narcotico.
E tres personanan abordo a ser aresta di inmediato y personal d Warda Costa a hiba e boto di pisca pa centro di apoyo di Corsou. ‘Capo’ ta propiedad di fotografo di Vigilante Umpie Welvaar.
E tres sospechosonan y e droga a ser entrega na e ekipo di investigacion di KPC pa mas investigacion.
