Corsou a prohibi inmediatamente e importacion , exportacion y transito di oro desde Venezuela.
Anticipacion di e legislacion, prome minister Eugene Rhuggenaath a firma un reglamento ministerial cu ta haci e prohibicion sea efectivo inmediato. E mineria di oro na Venezuela a aumenta durante e ultimo añanan. Esaki ta parcialmente splica pa e restriccionnan di e industria petroleo debi na e crisis economico interno y e sancionnan stranhero cu a ser poni.
Crimen
Como resultado, cantidadnan grandi di oro ta ser mina den paisnan bisiña y entre otro cosnan, ta transporta esaki traves di Corsou pa otro paisnan di mundo. Sinembargo Corsou como pais di transito no ta ricibi ingresonan significante cu e efectonan economico y financiero di esaki ta hopi limita.
Investigacionnan ta mustra cu e mineria di oro na Venezuela parce di ta estrechamente relaciona cu practicanan manera mineria ilegal, fuga di capitalnan, opresion y explotacion. Tin indicacion cu e comercio y transporte di e oro por ta acompaña pa varios forma di delincuencia organisa, transfrontera y crimen, e gobierno di Corsou a bisa den un comunicado di prensa.
Daño reputacional
“Investigacionnan criminal cu a ser conduci riba e islanan ABC ta duna un indicacion cu e transport di oro Venezolano y fluhonan di efectivo por ser acompaña pa contrabanda, falsificacion y labamento di placa. Esaki tin riesgonan di integridad y siguridad cu ta causa un preocupacion grandi tanto na nivel local como internacional”.
Na bista di e riesgo halto, e gobierno di Corsou tin e intencion di tuma tur e medidanan necesario pa asina evita cu Corsou sufri daño di reputacion na nivel internacional cu ta relaciona cu comercio y transporte di oro desde Venezuela.
Por lo tanto gobierno a indica un proceso pa hiba un decreto nacional cu ta contene medidanan general (LBham), incluyendo normanan specifico. En espera di e legislacion, e comercio di oro yVenezuela ta prohibi directamente o traves di otro paisnan di e regulacion ministerial.
