Corsou: Alrededor di 20 persona ilegal a drenta awe mainta y polis ta laganan bay

WILLEMSTAD – Awe mainta na Corsou a drenta alrededor di 20 perona ilegal via boto, y e parti sorpredente ta cu despues di a tuma nan informacion, polis a laganan bay.

E fuente noticiero Vigilante Korsou tabata en bibo via nan pagina di Facebook y a entrevista algun di e personanan cu a drenta. Nan a splica cu nan tabata mas o menos 20 persona di cual tur tabata adulto. Tambe lo a bin cu nan 2 cacho. Un di e hende hombernan a declara cu ta costa 500 dollar pa haci e trip ey, dus por calcula cu den e boto aki un of mas persona a ricibi 10 mil dollar. Nan ta bisa cu e trip lo tabata di 7 pa 8 ora.

E personan aki a splica cu na momento cu nan a yega, polis tabata speranan caba na canto. E momento ey nan a kere cu nan lo wordo deteni y manda Venezuela. Nan ta bisa cu nan ta saliendo di Venzuela pa busca un miho bida. Nan ta sali pa traha y no pa haci malo, segun nan ta splica. Tambe nan ta declara cu tin hopi hende pendiente pa crusa frontera y cu e noticia awo cu nan no lo wordo deteni, por spera hopi mas hende lo busca modo di drenta e islanan.

Segun e fuente Vigilante Korsou, e motibo cu a laganan bay ta door di un maneho nobo di gobierno di Corsou, pero informacion oficial di esaki no a sali ainda. Acualmente nos no sa kico e caso ta aki na Aruba y si e situacion aki lo por tin su impacto pa Aruba, mirando cu nos ta hopi mas cerca di Venezuela den comparacion cu Corsou.

Mas informacion lo sigui despues.

You May Also Like

Nicaragua: A condena campesino na 216 aña de prizon pa protesta contra Daniel Ortega

Medardo Mairena, lider campesino cu a participa na protestanan contra presidente di Nicaragua, Daniel ...

Asamblea Constituyente a keda instala a pesar di rechaso internacional

Ayera diabierna Asamblea Nacional Constituyente a keda instala na Palacio Federal Legislativo, a pesar ...

Operado financiero di Cartel di Sinaloa deteni riba solicitud di Merca

Un homber cu ta e operador financiero di  cartel di Sinaloa, organisacion cu tabata ...

Colombia: Desmantela na Florida red di arma clandestino pa gruponan criminal

Autoridadnan federal a captura na sur di Florida tres homber cu nan ta acusa ...

Nicaragua: Gobierno di Daniel Ortega ta libera otro 50 preso politico

Gobierno di Nicaragua a libera ayera un grupo di 50 manifestante opositor cu tabata ...

Merca ta pidi mas sancion pa gobierno di Maduro y ta manda mensahe pa militarnan Venezolano

BOGOTA – Un rato pasa durante un cumbre special di ‘Grupo de Lima’, tabata presente ...