Ciudadanonan atento cu a bolbe mira drone ta bula den area di prizon. Pa un tempo caba tin un fenomeno di drone ta benta paketenan di droga na prizon di Koraal Specht. Polisnan cu tabatin pista di esaki a logra pone man riba dos homber ayera cu a haci nan mes culpabel di echo aki.
Tabata alrededor di 15.47, Central di Polis a ricibi informacion cu den area di Koraal Specht tin un drone ta bulando. Mesora a dirigi unidad na e sitio y autoridadnan a bin topa cu un auto cu dos homber sospechoso aden. Durante di un control den e auto a bin topa cu un saco cu un drone aden y un cantidad di droga. Tur esakinan a wordo confisca pa mas investigacion. Na e sitio a detene e hombernan R.L.B., di 33 aña di edad y L.A.P., di 24 aña di edad, ambos nace na Corsou.
A presenta e sospechosonan dilanti fiscal auxilia, cu a ordena nan encarcelamento pendiente di mas investigacion. Despues di esaki a sigui cu dos entrada hudicial na cas di e sospechosonan pa asina wak kico mas por haya cu ta di importancia pa e investigacion. Polis di e team di mantencion mester a bay na un cas den Juan Hato na Kaya Goupia caminda a lista den e casnan. Akinan autoridad no a topa cu nada particular.
Seguidamente a sigui pa e di dos adres na Kaya Kreuzer na Souax, caminda cu despues di basta busca a bin topa cu den un quad parti pafo y un cantidad di bala. Mesora esakinan a keda confisca.
