Cu apertura di prome sesion pa tratamento di e caso contra ex minister George Jamaloodin, e ex minister inmediatamente a pidi palabra pa asina duna di conoce cu den 2012 el a malversa 450 mil florin di placa di subsidio.

E suma cual e ex mandatario a admiti di malversa tabata originalmente destina pa drecha un veld di futbol, pero esaki el a haci disparce pa medio di su compania Speed Security. Ora a investiga e patronchi di gastonan cu e ex minister tabata haci via e compania aki, a bin haya sa cu den un par di siman el a logra gasta 200 mil florin. ‘December ta un luna caro’, segun Jamaloodin.

El a enfatisa cu despues cu el a malversa e cantidad aki, el a hink’e bek den caha di gobierno. Esey a pasa den 2017 por medio di un ‘compania di inversion’ registra na Estonia. E ex minister a purba di scapa cara ora hues van Lieshout a haci preguntanan, cual Jamaloodin a purba contesta di manera vago of evadiendo e preguntanan mes.

Despues di e tratamento di e caso lo sigui tratamento di mas caso cu sospechosonan envolvi: E ordo duna pa asesina politico Helmin Wiels y tambe e fabornan duna na Jamaloodin su ruman, hefe di loteria Robbie dos Santos pa evadi departamento di impuesto. Durante su discurso, e ex minister a declara cu e no ta culpabel den ambos caso.

 

LEAVE A REPLY

Please enter your comment!
Please enter your name here