Recientemente JCI Dutch Caribbean a organisa, pa di 5 biaha, un Academia di Liderazgo. E aña aki cu e lema“Influential Leadership”. Meta principal di e evento ta pa engrandece conocemento di miembronan pa asumi posicionnan di liderazgo den directiva y proyecto. E academia a tuma luga na Acoya Curaçao, Resort, Villa & Spa.
Durante e weekend di training miembronan di diferente organisacionnan local di JCI Ducth Caribbean a forma parti di e academia di liderazgo cu e lema“Influential Leadership”. E academia aki ta e nivel di mas halto den JCI Dutch Caribbean pa forma miembronan riba e tema di liderazgo. Meta di e academia ta pa ekipa e miembro traves di diferente cursonan. Entre otro“Influence & Leadership”, “Financial Management” y “Strategic Communication”. E aña aki tambe e organisacion a halsa nivel y conocemento di e academia cu un entrenador internacional.
JCI Dutch Caribbean ta crea oportunidad unico na tur participante y ta desaroya su miembronan riba e tereno di liderazgo. Di e forma aki garantisa lidernan integro y activo pa futuro den e organisacion y den comunidad pa crea cambio positivo pa nos pais.
E accionnan di lidernan di e caliber aki ta traduci su mes pa medio di e organisacionnan local cu ta ehecuta proyectonan y trece solucionnan sostenibel den nos comunidad.
Bou di guia di Presidente di JCI Dutch Caribbean, Dupal Persaud, e evento a ser realisa pa Heinrich Angela hunto cu e team di entrenadonan capacita Candice Henriquez (Head Trainer), Rainelda Maduro y Argenis Angulo (Venezuela).
JCI ta e organisacion mundial di lidernan entre 18 pa 40 aña cu ta dedica na trece cambio positivo den nos comunidad. JCI Dutch Caribbean ta consisti di 6 organisacion local. Na Corsou tin JCI Creative Leaders (CLIC), JCI Involvement Of Banda Ariba (IOBA), JCI United Citizens Of Curaçao (UC) y JCI Willemstad. Na Boneiro tin JCI Young United Bonaire (YUB) y na Aruba tin JCI Young Active Leaders Aruba (YALA).
Si abo como individuo ke bira miembro pa desaroya y contribui na nos comunidad, tuma contacto cu directiva di JCI Dutch Caribbeannadutchcaribbean@jci.cc.
