Corsou mester introduci legislacion pa asilo. Esaki ta e opinion di e Comite di Derechonan Humano di Nacionnan Uni (UNHCR). Gobierno di Reino di Hulanda mester supervisa esaki. E procedementonan actual no ta den linea cu e derechonan humano internacional y e leynan di refugiado.

E gobierno Hulandes tin dos aña pa responde na e recomendacion aki. UN ta preocupa pa e regreso di e Venezolanonan y e condicionnan malo di detencion den prizon SDKK na Corsou.

Tambe Derechonan Humano Caribense a desapunta den e plannan di Sub Secretario di Interior y Relacionnan di Reino Raymon Knops. El a priminti 48 miyon florin pa islanan ABC pa asina yuda cu e crisis di refugiado Venezolano.

E cantidad ta destina casi den su totalidad na e aresto y encarcelamento di Venezolanonan, Segun re organisacion di derechonan humano, cu e decision di Knops, a perde oportunidadnan maraviyoso pa asina logra un trato husto y decente pa e refugiadonan Venezolano.