Ministerio Publico (OM) a institui apelacion contra di e veredicto den e ultimo caso di G.J. Jamaloodin. OM no ta di acuerdo cu e exoneracion den e caso Passaat, ni cu e castigo di 28 aña di prizon cu a keda imponi. OM a pidi un castigo di 30 aña.
E ex Minister di Finanzas Jamaloodin a keda condena na 28 aña di prizon pa caso di malversacion di fondonan di subsidio di gobierno (caso Germanium) y tambe caso Maximus, caminda Hues a haya proba cu el a provoca hende pa asesina lider politico di Pueblo Soberano, Helmin Wiels dia 5 mei 2013.
