(CuraçaoChronicle) – Corsou su plan di rebiba e refineria a drenta su fase mas turbulento ainda, cu Prome Minister Gilmar Pisas admitiendo cu e ta sinti “gaña y desapunta” pa Vigor Midstream, e compania cu a contrata pa opera e ex refineria yama Isla y Bullenbaai terminal. E situacion a escala asina hopi cu Pisas casi a termina e contract y expulsa e compania for di e pais.

Vigor, cual a firma un acuerdo di lease den juli 2024, ta acusa di no cumpli cu su obligacionnan financiero clave, incluyendo pago di huur na 2Bays y su subsidiario Curaçao Refinery Utilities (CRU), ademas di debe pendiente cu varios contratista local. E pagonan no haci a paralisa progreso riba un di Corsou su proyecto economico mas crucial.

“Esaki ta un di e defraudacion mas grandi recientemente,” Pisas a bisa den un entrevista riba radio local. “Nos a ser gaña. Loke Vigor a priminti y inicialmente presenta na e gobierno no ta loke el a resulta di ta.”

For di Oryx pa Vigor – y promesanan stanca

Vigor, anteriormente operando bao e nomber Oryx, a drenta Corsou cu promesanan ambicioso pa bolbe cuminsa operacionnan di e refineria despues di varios aña di incertidumbre despues di e salida di Venezueal su PdVSA den 2019. Inicialmente, Pisas a bisa, “tur cos tabata mustra positivo.”

Sinembargo tension a cuminsa ora cu Vigor a purba renegocia e tarifanan conecta na un proposicion di inversion separa di Global Oil, basa na Merca, cual ta buscando establece un facilidad di produccion di asfalt na e sitio di e refineria. Ora cu 2Bays a nenga modifica e acuerdo, e pagonan di Vigor a stop.

Delegacion manda Londres no ta reuni cu e doño

Den october, Pisas a autorisa un delegacion di 5 miembro di 2Bays – incluyendo director interino Patrick Newton y miembronan di directiva Hans Vissers, Edgar Hrmeljn, David de Haseth y Richard Arends – biaha bay Londres pa dialogo di alto nivel cu Vigor su liderazgo.

Sinembargo, e biahe a topa cu algo inespera: Vigor su doño, Ghanim Saad M. Alsaad Al-Kuwari, no tabata rpesente na e reunion a pesar di compromiso anterior. Na luga di esaki, e delegacion a reuni cu e mesun representantenan cu varios biaha a bishita Corsou.

“Mi tabata furioso,” Pisas a bisa. “Si ta den mi man, mi lo a cera e operacion y expulsa Vigor inmediatamente.” Pero el a reconoce cu un decision drastico asina lo pone den peliger e centenares di empleado y contratista cu te ainda ta wardando pa haya pago.

Consecuencianan economico riba otro

E incertidumbre tocante vigor a yega mas aleu cu mesa di negociacion. Decenas di contratista Curasoleño contrata pa traha dentro di e compleho di refineria ta keda sin pago, causando problema financiero pa nan y poniendo trabao den riesgo.

E refineria su reactivacion – considera un parti clave pa Corsou su futuro economico – un biaha mas ta colga den aire, causando preocupacion creciente entre gruponan di labor, asociacionnan di negoshi y comunidad.

Despues di dianan di silencio, 2Bays a publica un declaracion cortico: “E situacion actualmente ta status quo,” sin duna claridad tocante e siguiente pasonan, negociacionnan of linea di tempo.

Pasenshi di gobierno ta cabando

Pisas a enfatisa cu Corsou no lo tolera falta di cumplimento prolonga ni tacticanan evasivo. “E compania a firma un acuerdo cu ta mara nan y mester honra su compromisonan,” el a bisa.

Cada dia sin un resolucion ta profundisa e riesgonan financiero pa contratista local y ta prolonga e ceramento di e pais su herment industrial mas valioso.

Pa awo, e futuro di Vigor Midstream na Corsou ta keda incierto – pero si a keda cla cu pasenshi di gobierno ta cabando.