(AP) – Un Corte di Turkia a ordena diaranson un prohibicion riba acceso na Elon Musk su chatbot di inteligencia artificial Grok for di Turkia, despues cu e plataforma supuestamente a plama contenido cu ta insulta Turkia su presidente y otronan.
E chatbot, cual ta desaroya pa Musk su compania xAI, a publica vulgaridadnan contra Presidente Turco Recep Tayyip Erdogan, su difunto mama y personalidadnan, mientras cu e tabata responde na e preguntanan di usuario riba e plataforma di red social, X, anteriormente conoci como Twitter segun loke e canal di noticia pro-gobierno A Haber a reporta.
Respuestanan ofensivo tabata tambe dirigi na e fundador di Turkia moderno, Mustafa Kemal Ataturk, segun otro outletnan di media.
Esaki a causa cu e publico Ankara a entrega peticion pa impone restriccionnan bao di Turkia su ley di internet, citando un menasa pa orden publico.
Corte criminal a aproba e peticionnan for di comienso riba diaranson, ordenando e pais su autoridad di telecomunicacion implementa e prohibicion.
E incidente aki ta forma parti di un controversia hopi mas amplio cu un actualisacion reciente di Grok, cual a resulta den respuestanan cu menos filtro y cu naturalesa hopi mas “politicamente incorecto.”
“Desde cu nos a bira al tanto di e contenido, xAI a tuma accion pa prohibi mensahenan di odio prome cu Grok publica riba X,” e compania a bisa den un declaracion. “xAI ta train solamente den busca e berdad y danki na e miyones di usuario riba X, nos por rapidamente identifica y actualisa e model unda training por keda mehora,” el a bisa.
