Recientemente Corte Comun di Husticia a aumenta significantene e boetnan cu lo impone riba companianan di real estate Arubano pa violacion di regulacionnan contra labamento di placa segun medionan local.
Di e forma aki corte ta confirma cu Banco Central di Aruba por tuma accion estricto contra notificacion laat di un transaccion grandi di real estate.
Den e casonan en cuestion, cual tabata contra PGM Condobuilders y Poundwise, Corte a declara cu ambos compania no a reporta transaccionnan di real estate cu no ta usual na tempo, manera cu ta stipula den e ordenansa nacional pa prevencion di labamento di placa y financiamento terorista. Den algun caso, a entrega e reportahenan mas cu 1 aña laat.
Banco Central inicialmente a impone boet di 200.000 florin y mas di 263.000 florin. E cantidadnan aki a keda reduci di manera significante den prome instancia. Corte di Apelacion awo a anula e reduccionnan aki grandemente y a pone e boetnan definitivamente na 180.000 y 161.000 florin respectivamente.
Segun Corte, reporta transaccionnan grandi na tempo ta esencial pa preveni labamento di placa y crimen financiero. E hecho cu no tin practica specifico di labamento di placa ni daño identifica, segun e huesnan, disminui e seriedad den falta di cumplimento cu e obligacion aki.
Corte a provee Banco Central guianan cla pa por referencia den futuro. E autoridad aki, cu funcion di superision, por usa un escala ora di determina boetnan, sinembargo mester tambe considera e cantidad absoluto di violacionnan y no solamente e porcentahe.
E decisionnan aki cu corte a tuma ta confirma e regulacionnan contra labamento di placa den sector di real estate di Aruba y e aplicacion estricto di esaki, mientras tambe ta laga cla cu companianan cu tarda pa reporta transaccionnan por anticipa di ricibi castigo financiero pisa.
