(AP) – Corte a declara na fabor di Rector Magnificus di Universidad di Curaçao den un caso cu un studiante cu no ta satisfecho a trece dilanti.
Segun e studiante en cuestion, el a ser nenga inhustamente un extension di su estudionan, cual ta preveni cu e por completa su Master of Science in Accountancy. E corte a determina cu ya caba el a ricibi 3 extension pa completa su programa, cu el a surpasa e duracion standard y cu e programa aki ya no ta ser continua. Como resultado di esaki, su apelacion a ser mira como uno cu no tin base.
E studiante aki a cuminsa su estudionan na e facultad di ciencianan social y economico. El a sigui cu su estudio pa yega su titulo master banda di su trabao sinembargo a causa di problemanan medico, e no por a completamente enfoca riba su estudionan.
Manera corte a dicta, ya caba el a ricibi 3 extension anteriormente sinembargo e no a logra entrega su tesis prome cu e deadline final di juli 1 di aña 2023. Como consecuencia na esaki, e universidad a informa su persona cu e no por completa e programa pa su master.
