Costa Rica kier bira prome “economia berde” di America Latino

Gobierno di presidente Carlos Alvarado a lansa na inicio di e siman aki un plan pa elimina e uso di combustibel fosil pa aña 2050, cu cual e nacion Centroamericano ta aspira di ta entre e promenan na mundo di elimina emision di carbono.

Ta trata di un ruta di 10 punto cu ta trata di genera un modelo di desaroyo, basa riba reduccion di emision di carbono den atmosfera, digitalisacion y descentralisacion di produccion energetico.

E puntonan mas destaca di e iniciativa, oficialmente denomina Plan Nacional di Descarbonisacion, ta inclui transporte y mobilidad sostenibel, energia, construccion sostenibel y industria, maneho integral di residuo, agricultura y cambio y uso di suelo.

Si cumpli cu esaki, Costa Rica lo por logra di tin “cero emision neto” aki 31 aña, loke ta traduci su mes den no emiti mas carbono cu locual por compensa a traves di conservacion y sembra di reserva forestal.

“Descarbonisacion no ta un moda, sino un necesidad,” Alvarado a afirma durante presentacion di e plan, cu cual el a considera cu su pais por bira un ehempel pa otro nacion.

Costa Rica ta pionero cu su politica ambientalista na America Latino. E nacion Centroamericano, cu a bira conoci pa motibo di no tin ehercito desde 1948, a renoba su constitucion na 1994 pa inclui e derecho di un ambiente saludabel pa su ciudadanonan.

 

You May Also Like

Mexico: Na e frontera cu Merca, detencion di famianan migrante a subi pa 375%

Entre e luna di october te luna di maart, e detencion di famianan migrante ...

Embahador Ruso a nenga cu ta bay instala base militar

Embahador di Rusia na Venezuela, Vladimir Zaemskiy, a nenga cu su pais lo ta ...

OM: Polis lo detene sospechosonan den video viral

WILLEMSTAD – Durante weekend cu a pasa a aparece un bes mas via di ...

Venezuela: Escasez di medicamento a yega na 85%

Escasez di medicamento di cualkier tipo a keda na 85% den botica y centronan ...

Chile: Papa a acepta renuncia di arsobispo investiga pa sconde abuso

Papa Francisco a acepta e renuncia di arsobispo di Santiago di Chile, e cardinal ...

Brasil: Cinco biyonario tin mes hopi cu mita mas pober di e pais

Cinco biyonario Brasileño tin entre nan  un rikesa cu ta ekivalente na e entrada ...