Costo di energia lo aumenta cu 50 euro pa luna pa varios hogar na Hulanda

(NLTimes) – Compania di energia Essent lo aumenta e tasa di su energia cu 25 pa 30 porciento cuminsando for di dia 1 di juli.

E cliente lo paga mas o menos 50 euro extra pa luna, e compania a confirma despues di reportahe di NOS. Essent anteriormente a aumenta esaki den januari, unda cu e clientenan a cuminsa paga 20 euro extra pa luna.

Con hopi e aumento ta pa e cliente ta depende riba nan hogar. Segun un vocero, clientenan cu un apartamento cu ta bon insula lo gasta mas o menos 25 euro extra pa luna, Residentenan di un vivienda mas grandi cu no tin bon insulacion lo paga mas o menos 100 euro extra pa luna.

Essent no ta premira di bolbe aumenta su tarifanan prome cu dia 1 di januari pero tampoco por garantisa esaki. “Nos ta cumpra di adelanta den e mercado, y ya caba nos a cumpra e energia pa e siguiente lunanan binidero,” un vocero a declara. “Sinembargo nos no sa kico lo pasa despues, por ehempel, cu posibel sancionnan. Nos por comenta tocante esaki mas en adelante.”

Prijsnan di energia a aumenta grandemente pa causa di e invasion Ruso di Ucrania y ta motiva pa e sancionnan Europeo contra e suministro Ruso di energia na e Union Europeo.