Creando Futuronan ta un programa di tayer y “mentorship” den cultura, diseño y pensamento critico pa hobennan na Aruba, financia pa Stimuleringsfunds y organisa pa Radical Data den colaboracion cu Plataforma Aruba, Metabolic Foundation, Counter/Narratives y Afaina de Jong. A base di e necesidadnan local, e team lo comparti hermentnan y inspiracion pa imagina futuronan crea pa nos comunidadnan.

Kico ta e programa?
 Un programa di cultura y diseño digital Caribense, na unda hobennan ta bin hunto pa imagina y construi futuronan radical.

Creando Futuronan ta organisa den dos trayecto complementario:

  • Creando Spark (edad: 12–18): Cuatro tayer creativo na unda participantenan lo explora “coding” creativo, inteligencia artificial, rednan di comunicacion, cultura digital y diseño. No ta rekeri experiencia. Nos ta siña door di haci pregunta, usando nos mesun cultura y experiencianan como e punta di salida, y traha y hunga hunto como un comunidad. E tayer aki lo tuma luga riba diasabranan atardi na november.
  • Creando Sustain (edad: 18–30): Un laboratorio intensivo di 8 sesion (2 sesion pa siman) pa artistanan y diseñadornan emergente. Participantenan lo traha riba proyectonan cu ta refleha nan propio realidadnan, imagina futuronan mas husto pa nos islanan y siña con pa construi un espacio cultural sostenibel. Nan lo usa metodonan practico cu ta combina storianan personal, siñamento colectivo y Radical Data su enfoke Dissect–Imagine–Create. E sesionnan lo tuma luga atardi. Tur participante cu completa e programa ta ricibi un pago.

Fechanan y Ubicacion

  • Cuminsa: Diasabra, 8 Nov
  • Ubicacion: RAA! (Residencia Artistico Aruba)
  • Idioma: Ingles, cu sosten na Papiamento y Spaño
  • Compromiso: Ta rekeri presencia completo na e programa

Con pa Participa

  • Creando Spark: Punto di informacion pa mayornan/voogd riba diasabra, 11 october y diasabra, 18 october di 10:00 AM pa 2:00 PM na RAA! Pa mas informacion, tuma contacto cu Creando Futuronan via WhatsApp: +297 568 9420
  • Creando Sustain: Sesion habri lo tuma luga diasabra, 18 october pa 11:00 AM na RAA! Entrega un carta di motivacion of video cortico via e WhatsApp dedica na e proyecto: 568-9420

Contacto pa registracion:
Mijenou Tromp
Email: hello@creandofuturonan.org
WhatsApp: +297 568 9420

Radical Data ta un studio, plataforma educativo y comunidad reusando tecnologia pa liberacion + alegria; Plataforma Aruba ta un organisacion di arte ancra den investigacion, educacion y comunidad; Brenchie’s Lab ta un “maker-space” di acceso publico na Aruba; Counter/Narratives ta un plataforma multimedia colaborativo pa (hi)storianan oral local riba e islanan ABS-SSS y e diaspora; Afaina de Jong ta un arkitecto y educador trahando na e crusada di diseño espacial, investigacion y arte.

Website di e proyecto: https://creandofuturonan.org