Hopi di e problemanan cu nos ta wak den medio di noticia diariamente, manera criminalidad, actonan di suicidio, pais sushi y adictonan desespera ta eigenlijk e gevolg di plazo largo di e crisis di costo di bida. Inflacion ta e zuur mas antisocial den historia y nos por nota 2.000 aña di ehempelnan pa ilustra esaki. Awo tin e factornan internacional grandi unda Aruba no ta ni un pion chikito, pero nos tawata ta tin tanto na tanto oportunidad pa usa innovacion combina cu beleid sabi pa reduci e dolor di costo di bida na nos pais. E local beleid te ainda ta “far too little, too late”. Y anos como pueblo henter lo bay sinti e efectonan di e fayonan fundamental aki den añanan binidero.

Rentebeleid di Estados Unidos

Mi no lo bay den detaya ultra complica over e rentebeleid di Banco Central di Estados Unidos esta e Federal Reserve (FED), djis cu esaki debi na factornan economico den mercado di labor cu ta bezig ta verzwak riba manera obvio, pero tambe politico via President Trump. Cu den tur esaki e FED ta premira di baha su taha di rente den kwartaalnan cu ta bin significantemente. Esaki terwijl inflacion ya caba ta na 3% na Merca.

For di varios raportahe di banconan di inversion internacional manera BofA, Apollo y mas, esaki por wordo spera di indirectamente haci e crisis di inflacion y su extrapolacion esta costa di bida, mas acuut ainda, e añanan binidero. Pues un economia mas slow y prijs di tur cos lo bay sigui subi in a nutshell.

0.0 Innovacion pa Prepara Aruba

Den un banda e trend internacional di inflacion monetario ta un hecho cu cualkier Gobierno local di Aruba, mester deal cune. Y atrobe nos ta wak un fayo total den e bestuur local locual ta pa echt e inversionnan duradero pa haci nos Isla mas resiliente socio-economicamente.

Mane por ehempel den luga di verf Bushiri Complex y hasie bunita, cual ta algo hopi great. Dicon no isola nan cas, duna cada habitante un spaarplan of algo similar pa airco zuinig y eventualmente zonnepanelen? Awo ta gaña verf y chapi pero e problemanan fundamental ta keda.

Tambe Excellentie Gerlien Croes, como minister di Educacion & Innovacion ta totalmente ausente di e tema di Innovacion. Te cu ami sa, y mi ta spera cu mi ta fout den esaki, mi no a wak ningun pero ningun beleidstuk di Innovation Plan Integral na un Nivel National pa Aruba. Mi kiermen di mas cu 7 luna a pasa, y ni un nanogram di Innovatie e Gobierno aki a presenta. Locual si nos ta wak cu cada biaha mester bisti un shirt deportivo pa un evento, e ora si Excellentie Croes ta presente.

Tambe unda AI a keda den nos sector di Salubridad? Tambe 7 luna a pasa, nos a skirbi pa mas cu 4 aña over e tema aki den varios medio di comunicacion pero atrobe mi no a wak net nada ainda di Ministerie VGZ di Aruba locual ta nan plan tocante AI, automatisatie y inversion.

Drecha Pier di Pisca pero ni Deposito Garantie Aruba tin

Un otro hecho cu mi ta haya sumamente frapant ta cu Excellentie Wever, nos Minister di Finanzas ta por ehempel post cu hopi orguyo cu lo drecha pier di piscadornan rond Aruba. Cual ta algo bunita, pero den contexto di e piramid di prioridad nan pa un pais ta uno hopi tristo.

Na prome lugar Centrale Bank van Aruba (CBA) ta den buskeda pa un President nobo. Mi kier nota cu CBA ta hopi sporadico den nan kern publicaties. Awo nos ta na Augustus caba, y te cu mi analytisch vermogen ta duna, mi a nota cu desde Maart 2025, nos no tin data mas di nos ARA y Monetaire Reserves, tambe e publicacion di e MPC meeting minutes ta di mei 2025, y awo ta augustus 2025.

Mas frapante di tur cu terwijl kier post riba rednan social cu lo drecha edificio ta e hecho cu te dia di awe, Aruba NO tin un deposito garantiestelsel. Esaki segun raportahe di Aruba.NU. (https://www.aruba.nu/nieuws/algemeen/77417/arubaans-spaargeld-straks-beter-beschermd)

Awo esaki no ta un poco mas importante cu drecha y verf un pier di pisca?