Un aña y mei despues cu politica na Den Haag a tuma gobierno di Sint Eustatius over, e critica ta crece. Poco cos lo ta pasa y masha dia no ta comunica cu habitantenan, e Statianonan envolvi ta bisa.

E finansanan, infrastructura y administracion di e municipio extraordinario a bira asina bruha, cu secretario di estado Raymond Knops for di aña pasa ta tratando di pone ordo den e asunto e mes. A manda gobierno completo y e miembronan di conseho di Sint Eustatius cas.

‘No por ripara masha progreso’
Ainda e cayanan ta kibra, Registro Civil no ta na ordo y un carta den post ta tuma lunanan largo pa yega. “Nos no por ripara niun progreso. No ta comunica tampoco cu e habitantenan kico ta pasando ke men pasenshi a cuminsa caba aki”, ex miembro di conseho insular Koos Sneek (DP) ta avisa.

Normalmente e Conseho Civil ta reuni ‘un biaha pa luna’ pa na nomber di e habitantenan reuni cu e Comisario di Gobierno Mike Franco. “Pero e ultimo biaha cu nos a reuni tabata na mei”, Ivan Berkel, un di e miembronan civil, ta bisa. Ta Franco ta dicidi e frecuencia.” Esaki ta segun e fuente Retkaribense.

Warda un carta den post dos pa tres luna
“Ta e cosnan simpel ta irita e habitantenan mas tanto”, Ivan Berkel di 75 aña di edad ta conta. “Post aki ta masha floho. Hasta for di Sint Maarten, cu ta djis algun kilometer mas leu, ta te despues di dos of tres luna bo ta ricibi un carta.” “Mi a trece esaki dilanti tambe den un e-mail pa Franco”, Berkel ta bisa. “Pero no ta comunica bek cu mi.”

Cayanan ta kibra keto bay, no a pone ni un meter di asfalt
Un otro punto di discusion na e isla ta e cayanan kibra. “Despues di un aña y mei ainda e cayanan ta yen di buraco”, Berkel ta bisa. “Diferente hende pa e motibo aki tin hopi problema cu nan auto.”

“E cayanan ta hot topic”, e ex miembro di Conseho Insular Koos Sneek (DP) ta confirma. “Fin di juni lo a entrega un caminda nobo. Te ainda no tin ni un meter di asfalt abou.”

“Loke ta pret”, Sneek ta bisa, “ta cu e Parlamentario di CDA Joba van den Berg y e Parlamentario di SP Ronald van Raak aña pasa den un debate cu e Secretario di Estado ainda a spera cu e construccion di un caya na Sint Eustatius lo no a bira un programa mega-burocratico. Manera ta A16 nan mester construi. Pero ta asina e ta bay si.

Pasenshi a cuminsa caba
E critica di mas grandi ta pa e comunicacion malo di e mandatarionan Hulandes na e isla. “Bo ta tende poco informacion na radio of riba website di gobierno. Nan no ta comunica cu pueblo”, Sneek ta bisa.

“Knops ta skirbi na Tweede Kamer cu tur cos ta bay fantastico, cu tin hopi progreso. Esaki no ta klop niun tiki y mi ta haya esey preocupante si.”

“Si nan divulga e decisionnan mes, bo no ta tende pakico y kico ta e consecuencianan. Encuentro pa habitante no a tene for di aña pasa. Ta palabra tur cos tras di porta cera”, Sneek ta bisa.

Sneek su critica ta remarcabel. Su partido DP for di cuminsamento ta e unico y gran simpatisado di intervencion Hulandes. “Pero nos ta cuminsa sinti mas y mas cu awor si e cos ta tarda mucho hopi sin tin nodi.” P’esey e siman aki e partido a manda un carta extensivo pa reclama.

Reaccion di secretario di estado
Na september secretario di estado Knops ta informa Tweede kamer di nobo tocante e progreso na e isla y si por tene eleccion nobo.

 

LEAVE A REPLY

Please enter your comment!
Please enter your name here