Crocodil ta lastra mucha di cuatro aña bay fondo cu ne

Un crocodil a ataca y lastra un mucha di cuatro aña di edad bay cu ne, cu dia prome di aña tabata di paseo cu su famia na playa La Blanca, na municipio di Pinotepa Nacional, den e estado Mexicano Oaxaca.

E famia di e menor, ta origianlmente di estado Guerrero, a bay Pinotepa Nacional pa celebra Aña Nobo hunto cu nan parientenan. “Na un momento, e mucha lo a acerca e lagun y no tabata acompaña pa un adulto, y aki e animal a lastr’e bay cu ne pa fondo di awa,” e oficina di comunicacion social di e Coordinacion Estatal di Proteccion Civil di Oaxaca (Cepco) a comunica na Univision Noticias.

“Te na e momento aki nos no a topa cu e curpa di e menor; ta mantene e status di desapareci y nos ta sigui e protocol di buskeda na e luga, di parti di Proteccion Civil, Polis Municipal y e familiarnan,” e  dependencia a informa.

“E familiarnan ta den estado di shock, nan ta sigui busca pasobra nan no ta perde speransa, sinembargo, nan ta consciente di loke a pasa, pasobra un di nan a mira cu e animal a lastra e mucha bay cu ne”, Cepco a agrega.

Proteccion Civil a detaya cu den e ultimo 12 luna a presenta cuatro atake similar den e zona. Ademas tabatin varios caso di captura di crocodil desde 2015. Apenas na juli pasa autoridadnan di Oaxaca a gara un crocodil den e SPA turistico Puerto Escondido.

Den un entrevista cu e cadena Televisa, Jesús García Grajales, investigado di Universidad del Mar di Puerto Escondido, a sigura cu e crocodilnan ta bayendo den direccion di e SPAnan di e costa di Oaxaca frecuenta pa turista, y cu esaki por ta consecuencia di cu nan ta buscando un ambiente nobo pa nan keda.

 

You May Also Like

Cuba tin 2.153 persona di mas di 100 aña

Cuba tin como 11,2 miyon habitante, di cual 2.153 tin mas di cien aña. ...

Mexico: López Obrador na periodista: ‘Si boso haci di mas, ya boso sa kico lo pasa’

E presidente di Mexico, Andrés Manuel López Obrador, tabatin un interaccion nobo cu controversia cu ...

Colombia ta pidi candidatonan pa respeta participacion politico di FARC

E halto comisionado di paz na Colombia, Sergio Jaramillo a haci un yamado na tur ...

Huelga na Avianca leu di un solucion ainda

E huelga di 730 piloto di Avianca, cu ta mantene mita di su operacion ...

Video ta revela pago di 4 miyon dollar na campaña di presidente Peña Nieto

(Univision) Ciudad di Mexico – Luis Alberto De Meneses Weyll, ex-director di e empresa ...

Puerto Rico: Senado Mericano ta propone ayudo di $16.000 miyon pa e isla

Lidernan di Senado Mericano lo propone garantisa den e proximo resolucion di presupuesto, un ...