Ministro di Labor y Asunto Social, Glenbert Croes (MEP), a duna un mensahe na comunidad mirando cu aña escolar ta cuminsa y por brinda tur famia den necesidad. Pa e muchanan cu mester e sosten den cualkier material cu e mucha mester pa bay scol.

E mandatario a bisa cu tin diferente iniciativa manera fundacion cu ta tene evento pa yuda esunnan den necesidad incluyendo un evento siman venidero di Unity Kids, un organisacion di mucha. Nan ta pidi henter comunidad pa apoya.

Ta haciendo apelacion riba sector priva, henter comunidad y gobierno pa busca un manera pa apoya e famianan cu ta cobra bijstand cu mester diferente yudansa.

“Nos tin hende cu ta traha den nos ministerio cu ta acerca tur sector pa duna un man. Nos mester constata cu tin hopi famia cu tin necesidad pa haya yudansa. Apelacion ta pa henter comunidad yuda, como minister di asunto social y labor por estrecha cooperacion pa bay mas leu”, el a expresa.

Sinembargo el a bisa ta preocupante cu un mucha a bay scol sin come, sea ta mainta of merdia. E ta importante pa orientacion di docente di diferente scol, pa no tin ningun mucha cu pasa den esey: ‘Ban uni man pa cria nos muchanan’.

Pa finalisa e mandatario a bisa cu ta haci apelacion na comercio, pero gobierno tambe t’ey pa yuda asina tin e siguransa cu ningun mucha na Aruba por pasa den necesidad ey.

 

LEAVE A REPLY

Please enter your comment!
Please enter your name here