Ministro di Turismo di Cuba, Manuel Marrero Cruz, a sigura diasabra pasa cu pa e siman aki e isla lo yega na 3 miyon turista.

“E verano ta bay bon, turismo nacional a crece cu 15% den e hotelnan y e campingnan ta yen y a pesar di e aumento di e sancionnan cu ta afecta e turismo externo, otro siman no lo yega na 3 miyon turista y nos ta bay pa mas,” Marrero a splica riba su cuenta oficial di Twitter.

Di acuerdo cu un reporte di Agencia de Noticias de Cuba (ACN), ta pronostica cera aña cu 4,3 miyon bishitante internacional, di e 5,1 miyon planifica na prome momento di pa regimen di e isla. Supuestamente, e descenso di cifra ta debi na e medidanan nobo di gobierno di Trump.

Na juni Washington a anuncia cu no lo permiti bishita na e isla cu embarcacion di pasahero y recreativo, incluyendo crucero y yate, como tambe avion priva y corporativo.

Marrero a haci mencion recientemente den Asamblea Nacional di un plan di contingencia pa stimula turismo di exterior, incluyendo tambe Cubano cu ta residencia na otro pais.

Tambe el a referi na e importancia di turismo nacional. Segun un informe publica pa Oficina Nacional di Estadistica y Informacion (ONEI), na 2018 a conta 1.689.804 vacacionista local, 23,4% mas cu na 2017.

Sin embargo, e afirmacion aki ta mustra contradictorio cu experiencia di varios Cubano, cu a paga sumanan grandi pa pasa vacacion den centronan turistico di e isla. Tin di nan ta conta di discriminacion y escasez di cuminda den hotel di cinco strea, entre nan di Cayo Las Brujas.

 

LEAVE A REPLY

Please enter your comment!
Please enter your name here