Den un di e barionan antiguo di Habana a sucede un tragedia ora un balcon di un cas a bin abao riba tres alumno di primaria cu tabata pasa eybao despues di scol, segun e fuente cu no tabata desea di keda anonimo.
Bisiñanan di parque Jesus Maria, dilanti di e lugar unda e accidente a tuma lugar, a bisa cu e probable causa di e accidente tabata cu e brigada encarga cu demolicion di e edificio, a cuminsa tumba esaki via e parti patras, sin pone ningun advertencia pa e trabao peligroso cu nan a cuminsa haci, ni pone separacion pa evita cu hende ta pasa cerca. Probablemente e movimento cu e edificio tabata haci a causa e balcon pa kita y provoca morto di e tres muchanan.
E bisiñanan consterna ta pensa cu autoridadnan local no a actua cu e diligencia necesario pa atende e desgracia cu a causa morto di e muchanan.
E medionan oficial Cubano no a haci referencia na e hecho te na momento di cu medionan independiente a duna e noticia, pero si a laga polis pone un cordon di seguridad rond di e lugar despues cu e suceso a tuma lugar y e acostumbrado dirigentenan municipal di partido comunista y di poder popular a aparece.
Apenas cuatro siman pasa, un vivienda di calle Galiano a bin abao, felizmente sin causa ningun victima. Siman pasa CiberCuba a publica un reportahe di e periodita Tracey Eaton tocante un derumbe na juli 2015, cu a causa morto di cuatro persona sepulta bao di escombro. E familiarnan a denuncia cu a ‘archiva’ e caso sin cu tabatin sancion pa esnan responsable pa e accidente.
