(AP) – Cuba Gooding Jr. lo enfrenta huicio den februari otro aña pa su caso na New York pa cu mishimento inapropia, un Hues a bis dialuna, y fiscalnan cu plan di demostra cu e actor ta un ofensor den serie y e defensa alegando cu e caso ta un otro ehempel di e intentonan #MeToo di perhudica persona.

Hues Curtis Farber a pone dia 1 di februari como e fecha pa cuminsa huicio pa cu e caso aki, cual ta trata acusacionnan contra di e actor ganador di premionn Oscar pa su personahe “Jerry Maguire” a viola 3 diferente muhe na 3 diferente luga na Manhattan den aña 2018 y 2019.

Un di e muhenan aki a alega cu Gooding a mishi cu su parti atras. Otro a bia cu el a mishi cu su pechonan.

Farber a expresa su deseo di cuminsa cu e huicio mas trempan, posibelmente den december, pero Gooding su abogado Peter Toumbekis a bisa cu e lo ta ocupa cu huicio na Bronx na e momentonan ey.

“Mi kier caba cu esaki den huicio,” Farber a bisa na un audiencia den corte na Manhattan. “E caso aki tin 2 pa 3 aña den mi calendario.”

“Si mi dunabo un dia, mi no kier tende despues cu e caso na Bronx no a bay manera a palabra e caso a pospone te februari,” e hues a declara. “Esey no lo bay cu mi persona.”

Gooding tabatin den plan pa cuminsa huicio den april di aña 2020, pero esaki no a tuma luga pa causa di coronavirus y e casonan cu a surgi den New York, y e estado a pospone practicamente tur asunto di corte.

Gooding a ser aresta den juni di aña 2019 despues cu un muhe di 29 aña a conta polis cu el a mishi cu su pechonan sin su consentimento na Magic Hour Rooftop Bar & Lounge na Times Square.

Algun luna despues, Gooding a ricibi e cargo di dos incidente adicional den bista cu mas muhe a trece dilanti incidentenan similar pa acusa su persona di abuso.

El a ser acusa di mishi un di e waiternan despues di a haci remarcanan sexual na e mesun waiter na TAO Downtown y di a mishi cu un otro muhe inapropiadamente na LAVO New York Nightclub den aña 2018.

En general, Gooding, ken actualmente tin 53 aña, ta enfrentando cargo di 6 mal conducta cu lo por resulta den un sentencia na prizon si e ser haya culpabel.

El a declara su mes inocente y ta nenga tur acusacion di a comporta di mal manera. Su abogadonan a argumenta cu e fiscalnan, ta envolvi den e mentalidad di #MeToo, y taa purbando di converti “gestonan comun” of mal entendimento den crimen.

Por ehempel, Gooding su abogadonan ta bisa cu e video di e incident6e na TAO ta demostra Gooding ta solamente touch e waiter riba su lmba cu su dede y a bira pa duna e persona un high-five di despedida ora cu e tabata saliendo di e club mas o menos 4:30 di mainta.

Fiscalnan a haci areglo pa Toumbekis y Gooding mira e video di e incidente na LAVO New York, unda cu e abogado a bisa cu e tabata preveni di haci esaki pa motibo di restriccion di COVID-19 na e oficina di districto na Manhattan.

Gooding, den un trahe scur, y tapaboca a sinta warda riba e banki den e galeria di e corte mientras cu Farber a atende dos otro caso prome cu e celebridad a ser yama pa drenta.

Farber anteriormente a declara cu e fiscalnan or yama dos muhe adicional pa duna nan testimonio tocante nan acusacion cu Gooding a viola nan tambe. E muhenan aki, kendenan su acusacionnan no a resulta den cargonan criminal, ta entre 19 otro victima cu e fiscalnan kier trece como testigo.

Den adicion na e caso criminal aki, Gooding ta acusa den un demanda di a viola un muhe na New York City den aña 2013. Despues cu un hues a declara un huicio autmoatico den juli pa motibo cu Gooding no a contesta na e demanda, e actor a contrata un abogado cu a indica nan lo pleita e caso.

LEAVE A REPLY

Please enter your comment!
Please enter your name here