(CiberCuba) – Memey di opinionnan negativo cu ta sigui crece den direccion di e industria di turismo na e isla, cu ta marca pa un cantidad di comentarionan negativo tocante e servicio cu ta ser brinda, e instalacionnan y e suministro di alimento, e minister encarga cu e cartera aki na Cuba, Juan Carlos Garcia Granda, a celebra e yegada di un miyon di bishitante.

“Awe 26 di april, poco dia prome cu nos cuminsa cu nos Feria Internacional di Turismo FitCuba2024, Cuba ta ricibi e cifra di un miyon di bishitante internacional,” Garcia Granda a bisa a traves su cuenta di e plataforma X.

Un noticia cu ta mustra positivio si observa e contexto recien, den cual e debate pa e confusion na momento di repatria e curpa di un turista Canades, cual su curpa a wordo cambia cu esun di un Ruso y a wordo entrega asina na famia, a pone un mancha di huicio ariba e calidad di turismo ariba e isla.

A influi tambe denuncianan reciente ariba rednan scial, ariba e presencia di kalakanan na e hotelnan, e calidad di e instalacionnan di e hotelnan y e variedad di alimento, cu ta wordo refleha ariba e hotelnan di categorianan halto.

Algun siman pasa, durante un Mesa Redonda dedica na e turismo, e minister Garcia Granda tabata apunta cu e meta di 2024 ta pa supera e barera di tres miyon di turista, eleva e conectividad aereo y incentiva e demanda y mehora e atencion na e clientenan, esaki ultimo cu un serie di deficiencianan durante e prome lunanan aki di e aña.

E bet ta significativo, mas ainda si tene na cuenta cu e tabata e mesun proposito di e aña anterior, y den e etapa ey, Cuba solamente a alcansa e cifra di 2.4 miyon di bishitantenan internacional, lagando e calculacionnan abao pa un 30%.

Sinembargo, durante e periodo a aumenta e yegada di biaheronan cu casi 3.2 miyon di bishitante, incluyendo esnan nacional.

Compara cu destinonan popular di e region, Republica Dominicana a ricibi mas di 6 miyon di turista internacional, posicionando su mes como un lider den e industria den Caribe. Mientras tanto, Cancun, Mexico, a atrae mas di 4 miyon di bishitante solamente den e aña ey.

Cuba ta enfoca den atrae turistanan Ruso na e isla. Segun un calculacion, pa e aña aki ta spera e yegada di 200 mil turista Ruso, despues di e facilitacion di e uso di e caarchinan MIR na Cuba.