Autoridadnan di Matanzas a anuncia cu habitantenan di e provincia Cubano ya por haci uso di e playa di Varadero, aunke ta mantene e medidanan di distanciamento social, pa frena avance di e brote di coronavirus.

Ayera a cuminsa e benta na publico den e oficinanan di reservacion di e cadenanan Islazul y Gran Caribe pa hospeda den e hotelnan situa den e zona di e ciudad, asina Ivis Fernandez Peña, delegado di ministerio di Turismo den e teritorio, a duna di conoce den declaracion na Agencia Cubano di Noticia.

Segun e funcionario, tur e servicionan vincula cu sector di turismo lo keda reactiva pa atende e bishitantenan di e pais mes cu ta opta pa acudi na e facilidadnan aki, loke lo ta den un forma di reapertura gradual. Segun cu e demanda ta yegando na 60 porciento di ocupacion lo cuminsa habri e instalacionnan di nobo, segun Fernandez Peña.

E dirigente a subraya cu desde varios dia a cuminsa train e personal pa por cumpli cu e protocolnan nobo cu lo ta na vigor, incluyendo accion di vigilancia epidemiologico pa garantisa seguridad di usuario y personal. Matanzas a drenta den e asina yama promer fase di recuperacion ‘post-coronavirus’ despues di mustra cifra di control satisfactorio di e epidemia. Hunto cu Habana e provincia a keda exclui di apertura di e promer fase siman pasa 18 di juni, pasobra ainda tabata reporta caso nobo di coronavirus. Cuba tin programa pa habri pa turismo internacional dia 1 di juli proximo.

LEAVE A REPLY

Please enter your comment!
Please enter your name here