FILE - In this June 7, 2019, file photo, Twitter CEO Jack Dorsey leaves after his talk with French President Emmanuel Macron at the Elysee Palace in Paris. Dorsey's official account was hacked Friday, Aug. 30, 2019, and sending racist and vulgar tweets to his 4.2 million followers. (AP Photo/Francois Mori, File)

Hackernan a logra haya control brevemente di e cuenta di CEO di Twitter, Jack Dorsey, diabierna ultimo, y a post tweet racista y vulgar na su 4.2 miyon di siguido.

Algun di e tweets tabata visibel pa 30 minuut prome cu Twitter a elimina nan. E mensahenan tabata inclui ‘Hitler ta inocente’, y uzando vulgaridad, a pidi e ‘skelet sin cabey’ – aparentemente referiendo na Dorsey – pa kita suspension di cierto cuentanan.
Twitter a bisa cu ta investigando.

E compania basa na San Francisco a suspende cuentanan cu e hacker of hackernan a retweet mientras nan tabatin control di cuenta di Dorsey. Tambe a suspende e cuenta cu tabata parce di ta responsabel pa e hack.

Basa riba algun tweet manda for di cuenta di Dorsey, un grupo yama Chuckle Squad tabata probablemente responsabel. Ademas di busca pa elimina suspension di algun cuenta, e grupo no a bisa e motibo pakico a hack cuenta di Dorsey. Twitter a nenga di comenta ora a puntra si Dorsey a uza login di dos factor pa su cuenta.

E incidente ta yega mientras Twitter y Dorsey a priminti di mehora e ‘salud’ y civilidad di dialogo riba e servicio di red social, eliminando lenguahe di odio y abuso. Critica pa largo pa permiti mal comportacion, Twitter ta purbando di controla e mayor ofensanan, prohibiendo cuentanan cu ta viola su terminonan y haciendo otronan menos visibel.

Mientras Twitter ta logrando algun progreso, a ricibi critica tanto di esunnan cu ta bisa cu no ta haciendo suficiente como di otronan bisando cu ta bayendo mucho leu den limita discurso. Conservadornan tambe ta keha di prehuicio. Aña pasa, e compania a prohibi permanentemente e teorista di conspiracion derechista, Alex Jones y su show Infowars, citando comportacion abusivo.

Esaki no ta e prome biaha cu a hack Dorsey. Na 2016, su cuenta a ser tuma over pa e groupo di hacker OurMine, cual tambe a hack otro lidernan di perfil halto di rednan social, incluyendo e cuenta di Facebook di CEO Mark Zuckerberg.

 

LEAVE A REPLY

Please enter your comment!
Please enter your name here