dolfi.JPG
Dolfi Richardson, Korpschef Cuerpo Policial
dolfi.JPG
Dolfi Richardson, Korpschef Cuerpo Policial

 

Riba diaranson 10 di augustus 2017 Korpschef di Polis a tuma nota di un noticia/informe relaciona cu un cantidad di vest di seguridad cu lo a ser entrega na varios miembronan di Cuerpo Policial Aruba door di un agencia di noticia (den e caso aki 24ora.com). “Como Korpschef di Polis mi no tabata na altura di esaki,” Dolfi Richardson ta comenta.

E noticia aki a causa cierto reaccion for di varios cuidadano pero principalmente di hopi miembro di polis mes. Como Korpschef di Polis, sr Richardson ta di opinion cu specialmente durante un temporada asina dificil manera den un aña di eleccion politico, Cuerpo tin cu evita cu por tin duda den nan imparcialidad. Richardson: “Como Korpschef semper un di mi prioridadnan ta e seguridad di nos coleganan. Como tal semper nos a traha hunto cu diferente partnernan strategico pa yega na mas fondo y material pa e Cuerpo por funciona optimal y na un manera safe.
Pa nos e ta importante pa mantene e confiansa di tur persona den e comunidad.
Nos imparcialidad no mag di wordo questiona ‘at all’ pa asina nos por sigui gosa di e confiansa ey.”

Korpschef ta sigui bisa cu: “Nos di Cuerpo Policial ta gradici sinceramente e gesto di solidaridad pa cu nos Cuerpo pero mester rechasa esaki respetuosamente pa no tin duda den nos obhectividad. Den e mesun rosea nos kier informa cu ya caba tin un cargamento di vestnan di seguridad na caminda cu pronto lo wordo entrega na nos miembronan. Nos kier sigura nos comunidad cu nan por tin confiansa absoluto den e imparcialidad di nos Cuerpo. “