Anualmente Corsou ta importa pa miyones na berdura y fruta di exterior, mientras segun e sector di agricultura local por planta normalmente na e isla. Solamente gobierno mester inverti si, Harold Schoop, bolero di e Asosiashon Koperativo Agráriko (A.K.V.), ta bisa.

“Segun e Oficina Central di Estadistica Corsou (CBSC) anualmente Corsou ta importa rond di 4 miyon florin na berdura y fruta for di exterior. Un tres porshento di e mercado total ta produci localmente.

No tin maneho.
“Awa ta un di e motibonan di mas grandi pakico agricultura na Corsou no tin derecho di existencia. Pa falta di un maneho di agricultura actualmente ta construi cas riba diferente tereno cu di naturalesa tin hopi awa, en bes di pone esakinan disponibel pa e sector agrario”, Schoop ta conta.

Banda di esaki segun Schoop falta vision pa loke ta maneho di awa. A construi e isla asina cu tur awasero cu cay ta bay lama mas lihe posibel. “Pica, mester fango e awa aki pa e sector agrario.” Esaki ta segun e fuente di Retkaribense.

No tin indexacion actual di prijs.
Banda di awa tambe e tarifanan cu e cunukeronan por pidi pa nan productonan ta un problema. For di siglo pasa no a indexa e prijsnan aki mas. Na 1984 y 1986 ta delaster biaha cu a stipula prijs di bestia pa cria pa ley. Pa berdura a stipula e prijsnan aki pa delaster biaha na 1997.

Na otro pais ta existi e mesun problema cu compania den sector agrario apenas por bende nan productonan cu ganashi. P’esey hopi compania ta ricibi subsidio di gobierno p’esaki, pero esaki tampoco Corsou no conoce. “Ademas nos no por sigura nos cosecha contra biento, inundacion y/of perdida pa motibo di secura. Esaki no ta existi na e islanan mientras cu na Hulanda esaki ta hasta obligatorio”, segun Schoop.

Posibilidad pa crece.
Tambe e sector agrario mester organisa su mes miho segun Schoop. “Hopi hende den nos sector no ta traha na un manera organisa. Hopi di nan falta un vision di termino largo. Esey ta lastima pasobra agricultura ta un sector cu masha hopi potencial.”

Segun e vocero actualmente tin 1500 hende ta traha directamente of indirectamente den e sector agrario. “Si nos lo a laga e sector agrario crece di 3 porshento produccion local pa por ehempel 25 porshento, esey ke men cu un 7000 hende lo por traha directamente of indirectamente den e sector agrario. Esaki lo haci agricultura un di e sectornan di mas grandi di nos isla.”

Protocol nobo pa agricultura.
Segun e minister Curasoleño Giselle McWilliam di Ministerio di Asuntonan Economico (MEO) ultimo tempo a pone paso importante riba tereno di agricultura. E mandatario a bisa cu dia 20 di mei a firma un acuerdo cu agricultor por haya awa na un prijs reduci”, e minister ta conta.

E desaroyo aki segun Schoop ta bini como un sorpresa total. Otro agricultor tambe ta bisa cu nan no a tende ainda di e plannan aki. Segun Suzy Camelia-Römer e awa na prijs reduci ta bini disponibel pa tur agricultor comercial. Ken ta cay bou di agricultor comercial actualmente no ta conoci ainda.