(NLTimes) – Curandero controversial Tom de Wal a keda aresta diabierna anochi na Tilburg despues di tin un sirbishi di sanacion prohibi na Praise Church. Un dia despues, el a aparece na Eindhoven, predicando publicamente den medio di manifestacionnan.

De Wal inicialmente tabata den schedule pa ehecuta un servicio di sanacion na Van der Valk Hotel na Eindhoven diabierna, sinembargo e hotel a cancela e evento, probablemente a causa di e manifestacionnan anticipa. Despues el a move e evento pa Praise Church na Tilburg. E municipio a prohibi e sirbishi pa motibo cu e sitio tin falta di e permiso rekeri pa e evento y ticketnan a bende caba.

“E tabata un evento y ningun permiso pa evento a keda otorga,” un representante municipal di Tilburg a informa Omroep Brabant. Abogado retira criminal Pieter van der Kruijs di Den Bosch tabata den acuerdo, notando cu e “tabata den violacion. E no tabatin permiso pa e evento aki. Y aunke e tene esaki mas adelante riba caya, e tabata un evento tog. Y e no ta relevante si esaki a tuma luga paden of pafo di e misa.”

A pesar di e prohibicion, De Wal a cuminsa e sirbishi. Polis a cera e area y a drenta e misa, pidiendo e pa stop esaki. Segun autoridadnan, el a cumpli paden pero a sigui cu e sirbishi pafo cu esnan presente. De Wal a keda aresta alrededor di 6or di atardi mientras e tabata papiando cu Omroep Brabant. El a ser interoga na stacion di polis y laga den libertad alrededor di 9or di anochi, ricibiendo un citacion pa violacion di ordenansa municipal. Van der Kruijs no ta anticipa mas accion legal, declarando cu “Ministerio Publico no lo trece e caso aki dilanti corte.”

Imagennan di De Wal su organisacion, Frontrunners Ministries ta mustra su persona paden di e misa ta urgi esnan preesente pa coopera cu polis si nan purba clausura e sirbishi. Pafo, el a sigui e sirbishi te cu su aresto. Manifestantenan, incluyendo gruponan defensor LGBTIQ+, tabata presente manifestante contra e ponencianan cu e por cura malesanan maera cancer, Parkinson’s y MS, ademas di “cura” homosexualidad y saca “demonionan” conecta cu autismo y otro condicionnan.

De Wal a critica e intervencion di polis, bisando cu “loke a sucede ta strano y no ta constitucional. Polis aparentemente tin e autoridad di drenta sirbishi di un misa. Hende tabatin ticket ayera, pero nan tabata gratis. Pa e motibo aki e no tabata un evento.”

Diasabra mainta, De Wal a bolbe presenta den centro di Eindhoven, na 18 Septemberplein, cu alrededor di 100 siguido. Usando un microfoon, el a predica y a lidera oracion mientras manifestantenan tabata zwaai bandera di arco iris. Organisacionnan incluyendo Queer040, Eindhoven Pride y Dolle Mina;s, conhuntamente cu miembronan di e conseho di e ciudad for di PvdA, tabata presente. E sirbishi a inclui “sanacion” publico administra pa su asociadonan.

Durante e manifestacion, De Wal a atende controversia tocante su declaracionnan haci pa loke ta trata homosexualidad, bisando reporteronan cu “nunca mi a haci terapia di conversion; esey ta fabrica pa media.” El a nenga duna comentario tocante su declaracionnan anterior, marcando homosexualidad como un malesa.

Autoridadnan na Eindhoven a permiti e evento sigui pa motibo cu el a tuma luga pafo y no tabata clasifica como un evento formal. De Wal aparentemente tabatin plan i anuncia e creacion di un comunidad di misa na Brabant den e atardi aki, un presentacion cu tabatin plan di haci originalmente na e evento na Van der Valk Hotel.