(AP) – Difunto rapper Goonew tabata literalmente primera fila na su mesun funeral, cu su curpa para pa tur hende mira den un club.

E difunto di 24 aña su funeral, titula “The Final Show” a ser oganisa na Bliss Nightclub na Washington D.C riba diadomingo, y imagennan di e anochi aki dentro di edificio ta mustra loke ta aparenta di ta e rapper su curpa para mirando e audiencia, completamente bisti y usando un corona.

E audiencia tin un reaccion hopi mixto, cu algun bailando na e canticanan cu tabata tocando, mientras otronan tin un cara serio mirando e curpa cu ta para nan dilanti. Bliss Nightclub a bisa cu nan no a ser informa tocante e tributo prome cu esaki a tuma luga, segun TooFab, y nan a pidi dispensa na cualkier persona cu a sinti su mes ofendi.

E club te ainda ta investigando si e curpa tabata real of no, y si algun accion legal ta posibel den contra di e personanan cu a organisa e funeral.

Goonew su nomber real tabata Markelle Morrow, y el a ser haya cu heridanan fatal di arma di candela algun siman pasa den un parking lot di District Heights . Su famia tin e impresion cu e tabata victima di un robo arma.

Su mama ta bisa cu e artista a duna tur loke e sospechoso tabata kier, sinembargo toch el a ser herida den su lomba. Prince George County PD ta ofreciendo 25,000 dollar na cualkier persona cu por trece dilanti informacion cu lo por resulta den un conviccion of aresto.

LEAVE A REPLY

Please enter your comment!
Please enter your name here