(AP) – E curpa di presentador di television Britanico perdi y autor Dr. Michael Mosley a ser haya riba isla Griego diadomingo mainta despues di dianan di buskeda segun su famia a informa.
Mosley, ken a desaparece riba e isla di Symi diaranson atardi, a ser mira entre piedranan na e costa pa un grupo riba boto cu ta inclui e alcalde local y reporteronan. Mosley su casa a bisa cu su casa a tuma e ruta incorecto durante un hike y a collapse net prome cu el a yega un marina na un luga unda su curpa no por a ser mira facilmente.
“Michael tabata un homber aventurero, e ta parti di loke tabata hacie un persona asina special,’ Dr. Clare Bailey Mosley a bisa den un declaracion. “E ta sumamente doloroso cu mi a perde Michael, mi casa pret, bondadoso y briyante. Nos tabatin un bida increibel hunto. Nos tabata stima otro hopi y nos tabata feliz cu otro.”
Mosley, ken tabatin 67 aña, tabata conoci na Britania pa su varios programa riba BBC, presentacionnan regular riba television y radio ademas di su columna den Daily Mail. E tabata conoci fuera di Reino Uni pa su buki The Fast Diet, cual el a skirbi cu reportero Mimi Spencer. E buki a propone un dieta di 5:2, cu ta priminti hende baha peso rapidamente pa medio di minimalisa nan consumi di caloria pa dos dia pa siman y come saludabel e otro 5 dianan.
El a introduci tambe un programa pa baha peso y a crea un cantidad di pelicula tocante dieta y ehercicio. “Mosley hopi biaha a pusha su curpa na extremonan pa mira e efectonan di su dieta y tambe a biba cu bichi den su stoma pa 6 siman pa e documentario di BBC “Infested! Living with Parasites.”
Hasta prome cu a identidad di e curpa a keda confirma, tributonan a cuminsa inunda pa Mosley.
“Den persona e tabata practicamente e mesun persona cu bo ta mira den television; inmediatamente agradabel, genuinamente pret, entusiasta, e tabatin un entusiasmo tocante bida y semper tabata generoso cu su tempo,” co-autor Spencer a conta BBC Radio 4. “Nunca e tabata orguyoso, e tabata un persona humilde.”
Tom Watson, ex lider diputado di Britania su Partido di Labor, a yama Mosley un heroe y a bisa cu el a perde casi 45 kg despues di a sigui un di e dokter su bukinan tocante dieta.
Lefteris Papakalodoukas, e isla su alcalde a conta The Associated Press cu e tabata riba e boto cu reporteronan ora cu nan a mira un curpa riba Agia Marina Beach. El a bisa cu Mosley tabata cara ariba benta banda di un heki. “Nos a Zoom cu e camaranan y a mira cu ta e.”
Ilias Tsavaris, manager di un bar na e marina, a bisa cu el a core sali despues di a ricibi yamada for di e boto pa confirma loke nan a mira. “Ora mi a cana bin mi a mira algo manera un curpa,” el a comenta.
Mosley tabatin 4 yiu muhe cu su casa, ken tambe ta un autor y columnista di salud.
