Un muhe a tira su pareha mata cu un arma di candela accidentalmente trahando un video pa subi riba YouTube. Monalisa Perez a bisa polis cu su pareha Pedro Ruiz III kier a filma un video di dje, tirando cu un arma di candela cu un buki contra su pecho. Ruiz, 22, a pensa cu e buki lo stop e bala segun CBS ta reporta.
Perez, kende ta un dama di 20 aña cu ta na estado, a tira cu un handgun .50 caliber for di un distancia bastante cerca (30cm). Ruiz, kende tin un yiu muhe di tres aña cu Perez, a fayece mesora. E mucha tabata presente ora cu e incidente a pasa rond 6:30pm. Prome cu e stunt, Perez a skirbi riba Twitter: “Ami cu Pedro ta bay probablemente filma un di e videonan mas peligroso anto esaki ta SU idea, no DIMI!”
