(AP) – Un homber di Arizona acusa di supli e dealer ken a bende Mac Miller e droganan cu a mata e rapper a keda di acuerdo pa declara su mes culpabel na un cargo federal, fiscalnan a revela riba diaranson.

Ryan Michael Reavis, ken tin 38 aña di edad, lo admiti cu un solo cargo di distribucion di fentanyl, e oficina di Merca su abogadonan na Los Angeles a bisa den un declaracion.

Reavis tabata consciente cu e pildonan falso di oxycodone cual tabata contene fentanyl na e otro acusado Cameron James Pettit, ken tin 30 aña di edad, di Los Angeles, segun e acuerdo di declaracion culpabel. Pettit a bende e pildonan y otro droganan na Miller, ken dos dia despues a sufri di un sobredosis fatal, segun fiscalnan.

E otro acusado, Stephen Andrew Walter, di 48 aña di edad, di Los Angeles, a keda di acuerdo luna pasa di declara su mes culpabel na e distribucion di fentanyl. Fiscalnan a bisa cu Reavis a bende Pettit e pildonan bao direccion di Walter. Reavis y Walter cada un ta premira di drenta nan acuerdo den e simannan binidero.

E caso contra di Pettit ta pendiente.

Reavis, anteriormente di West Los Angeles, a muda biba na Lake Havasu, di Arizona den aña 2019.

Miller su assistent a haya e rapper inconsciente den su cas na Los Angeles dia 7 di september di aña 2018 y el a keda declara morto pronto despues.

Miller, ken a nace na Pittsburgh cu e nomber Malcolm James Myrs McCormick, tabata un figura hopi stima y respeta den e mundo di hip-hop. “Circles,” su di 6 y ultimo album final, a keda lansa den su memoria na aña 2020.

LEAVE A REPLY

Please enter your comment!
Please enter your name here