Debate den parlamento riba all-inclusive: Conclucion te awor ta cu mester mas estudio riba efectonan

all inclusive.jpg

E debate den parlamento riba e cambio di ley pa limita e desaroyo di all-inclusive na Aruba ta mustra falta di un bon estudio riba e efectonan di e limitacion aki riba e sector di turismo y e economia di Aruba. 

Esaki te awor ta e conclucion di kico tur a wordo trece dilanti den e debate. E debate mes no a yega su votamento pa motibo cu presidente di Staten a suspendi te diamars pa motibo di compromisonan di otro parlamentarionan. 

Minister encarga, Otmar Oduber awe den su contestanan ta keda insisti cu tin suficiente dato caba pa sigui cu e proceso di cambio di e ley. E echo cu ta falta informacion pa tuma un decision balansa, ta algo cu cu e gremionan ya a trece dilanti e siman aki. E sector di turismo mes ta dividi. E organsacionan cu ta defende e interes di e sector, esta Ahata, ta contra e cambio di ley. Sinembargo tin gremio, manera companianan cu ta ofrece servicionan pa turista (watersport, restaurant, taxista) cu ta para banda di minister. 

Un rapport di Banco Central cu a sali e siman aki, tampoco a trece e claridad spera. Den e rapport por lesa cu nan mes ta conclui cu mester mas estudio pa midi e efectonan.

Na comienso di e debate awe partido di oposicion MEP  a puntra minister Oduber pa e rapport completo di PWC. Te ainda e minister no a comparti esaki cu parlamento y solamente a duna un extracto  cu segun e minister ta concerni e puntonanan mas importante. Minister a confirma na parlamento cu tin un rapport pero esaki no ta oficial pues no por comparti esaki cu Staten. 

Esaki ta e cambio di ley cu awor parlamento ta tratando. 

You May Also Like

Participa den encuesta online riba opinion tocante media na Aruba

Den cuadro cu Unesco su programa di Media Pressure Cooker na Universidad di Aruba, ...

Na 2018 Turismo stay-over a conoce un aumento di 1.1%

ORANJESTAD –Oficina di Turismo di Aruba A.T.A ta satisfecho di por bisa cu a ...

CATA 2019: Innovacion y hubentud den industria turistico

Ayera mainta, Aruba Tourism Authority (ATA) a realisa su habitual conferencia anual di CATA, ...

5Juli EdM problema na paseo.jpg

Problema na di dos piso di centro comercial a pone polisnan drenta accion

Diadomingo marduga na e di dos piso di Paseo Herencia tabatin un actividad andando ...

‘Mas destruccion di nos naturalesa lo caba cu nos cuminda basico’

Ingela Lacle, un ciudadano cu hopi experiencia den cultivacion di su propio cuminda y ...