Pa di 4 biaha den historia di Merca, camara di representante a cuminsa un investigacion di impeachment presidencial. Comite di camara ta purbando di determina si presidente Donald Trump a viola su huramentacion ora di pidi Ucrania pa investiga su rival politico, Joe Biden y su famia.

Tambe pa investiga participacion di e pais den eleccion presidencial di 2016 na Merca. E tres comite di camara lo conduci un investigacion democrata, cu a programa pa varios trahado actual y anterior di conseho di siguridad nacional testigua e siman aki tras porta cera – un intento pa haya un miho bista den e Cas Blanco ora cu Trump a pusha Ucrania pa conduci investigacionnan cu motibo politico.

No ta cla si testigo lo presenta segun programa.
Un abogado pa Charles Kupperman, ex- oficial na NSC bou di e consehero di siguridad nacional e tempo ey, John Bolton, a bisa cu Kupperman lo cumpli si un corte duna orden pa su presencia. E tabata riba schedule pa testigua dialuna.

Otro testigo convoca e siman ta actual trahadonan di NSC, Tim Morrison y Alexander Vindman. Morrison ta particular significante. William Taylor, principal diplomatico Mericano na Ucrania, a bisa na legislado den su declaracion via telefon cu Morrison lo describi esfuerso di Ucrania.

Presidente di comite di inteligencia di camara di representante, representante Adam Schiff, kende ta cabesante di investigacion, a bisa cu e lo kier pa Bolton testigua, pero ta spera cu Cas Blanco lo pleita cu nan pa su presencia. “Bolton ta un testigo importante cu tin informacion relevante.”

Comite tambe tin premira pa tende otro testigo di Departamento di Estado y Departamento di Defensa. Legisladonan kier determina si yudansa militar di Ucrania a ser suspendi como condicion pa investigacion.

Democratanan ta move lihe y ta programa varios declaracion den un dia. Nan ta purbando di compila hechonan y eventualmente transiciona na audiencianan publico. Schiff a bisa cu e comite ta haciendo un progreso lihe.

No ta cla si tur trahado lo presenta, pasobra Trump a compromete pa obstrui investigacion. Te awo, mayoria di testigo a dicidi di testigua despues di ricibi citacion di e comite.

 

LEAVE A REPLY

Please enter your comment!
Please enter your name here