Sint-Maarten, 12 september 2017. Steunverlening na passage van orkaan Irma. De koninklijke marine levert hulp met oa Zr.Ms. Zeeland en Zr.Ms. Pelikaan. De koninklijke luchtmacht, koninklijke landmacht en koninklijke marechaussee worden ook ingezet op het getroffen eiland.

E imagennan di e forsanan destructivo di Horcan Irma ainda te fresco den nos tur su memoria. Pa keda bon di trein den dunamento di ayudo humanitario, Defensa ta organisa e entrenamento yama ‘Caribbean Coast’. Durante e entrenamento ta keda trata tambe con pa structura un bon comunicacion di crisis y mantencion di orden publico y siguridad na momento di un desaster natural. Caribbean Coast e aña aki ta tuma luga na Sint Maarten, Saba, Bonaire, St. Eustatius y Corsou. Y Ta dura di 9 te cu 19 di september.

Caribbean Coast ta un training Hulandes, cu participacion di Marina Real, Forsanan Aereo y Ehercito. Cuater barco di Marina ta participa: entre otro Zr.Ms. Snellius, Groningen, Pelikaan y Johan de Witt. E barco di transporte amfibio Zr.Ms. Johan de Witt ta sali 26 di augustus for di Den Helder pa crusa lama Trans – Atlantico. E otro barconan ya ta presente den e area. Forsanan aereo ta participa cu tres helicopter y Ehercito ta manda unidadnan di refuerso di ingenieria, medicina y cooperacion Civil militar. Casi 700 Militar Hulandes lo participa den esaki. Hunto cu esey na e training aki lo participa Militarnan Frances y Aleman.

Durante Caribbean Coast Militarnan ta trein riba evacuacion di ciudadanonan den necesidad, haci e areanan afecta accesibel, salvaguardiando orden publico y siguridad, ofreciendo asistencia di emergencia iniciado na victimanan di desasternan di naturalesa den areanan afecta.

Horcan Irma a haci bira comprendibel, cu ta keda di importancia pa ta bon prepara na momento cu un horcan pasa y na momento di desasternan di naturalesa. Defensa ta trein riba esakinan, pa asina habitantenan di Reino Hulandes por keda bon yuda den un situacion di calamidad. Cada cuater aña Defensa ta organisa un ehercicio humanitario riba gran escala den Area di Caribe. Defensa ta haci ehercicio netamente eynan, y durante e temporada di horcan, pa asina e keda mas realistico posibel. Militarnan ta trein p’esey tambe riba mas isla, hunto cu autoridadnan local y civil.

 

LEAVE A REPLY

Please enter your comment!
Please enter your name here