E Spectrum International ta un di e competencia nan di mas grandi di Paso Fino na Florida. Ya pa varios anja cabaynan di diferente pais den nos region y continente ta forma parti di e competencia aki. Mirando e prestacion di amazonanan, e aña aki Aruba lo manda 5 participante competi na e Spectrum International cu lo tuma luga e dianan 24 pa 28 di mei na Miami, Florida.
E amazonanan cu lo ta participando pa Aruba ta Elizabeth Johnson, Melanie Wever, Zoey Arends, Natalia Mouawad y Alina Mansur. Mester bisa cu tur e amazonanan aki tin varios titulo regional y mundial tras di nan nomber y ta premira cu cada uno lo haci un bon papel den e competencia aki. Nos amazonanan lo competi den diferente categoria manera placer, prestacion y classico fino como tambe e categoria di International Equitation.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e biahe di e amazonanan pa cu e competencia Spectrum International na Miami, Florida Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
