Lidernan di e delegacionnan lo reuni cu delegacion Parlamento di Surinam tambe
Delegacion di Parlamentonan di Aruba, Sint Maarten y Corsou ta participa den e reunion tripartite cu a cuminsa ayera 23 di october y lo culmina awe 24 di october na Sint Maarten.
Segun e medio CuracaoChronicle ta reporta, durante e encuentro aki e delegacionnan ta reuni pa intercambia informacion y puntonan di bista tocante diferente tema cu ta di interes pa e diferente paisnan.
Cada reunion tripartite ta establece e agenda di discusionnan pa aborda temanan specifico. Pa e reunion aki den particular, nan e pone e siguiente puntonan ariba agenda: acuerdonan di e reunion tripartite anterior, avancenan den e concepto di mecanismo di solucion di controversianan, conectividad entre e paisnan di Caribe Hulandes, aborda e deficitnan democratico relaciona cu e uso di Leynan di Reino di Consensus manera medio di control y restauracion di sistemanan tributario basa ariba e landspakket di e paisnan.
Prome cu e apertura oficial di e reunion tripartite, e lidernan di e delegacion di e Parlamentonan di Aruba, Corsou y Sint Maarten lo reuni cu un delegacion di e Parlamento di Surinam den un reunion yama “Contact Plan Presidium Meeting”. Durante e encuentro aki e cuater delegacionnan lo establece un agenda pa e proximo contactonan parlamentario entre e paisnan di Aruba, Corsou, Sint Maarten y Surinam.
E ultimo biaha cu un reunion di contacto di e tipo aki a tuma luga tabata na aña 2019.
