(AFP) – Legisladornan Democrata a acusa Secretario di Comercio Mericano, Howard Lutnick diaranson di gana na Congreso y yuda cubri e crimennan di Jeffrey Epstein, exigiendo su renuncia despues di trata e investigacion di e ofensor sexual conoci tras porta sera.
E atakenan extraordinario a bini mientras Lutnick tabata contestando preguntanan dilanti House Oversight Committee tocante su lasonan cu Epstein, e financiero desgracia ken su conexion na figuranan poderoso a impulsa varios aña di controversia politico y teorianan di conspiracion.
Surgiendo fir di e entrevista, Democratanan a ilustra Lutnick – un ex ehecutivo financiero biyonario – como evasivo y deshonesto, acusando e di contradeci declaracionnan publico anterior tocante ora el a corta laso cu Epstein.
“Despues di loke mi a mira te awo den e entrevista aki, mi ta sinti hopi confortable bisando cu Howard Lutnick ta un gañador patologico cu ta premitiendo e cobertura mas grandi den historia Mericano,” e miembro di Congreso di Arizona, Yassamin Ansari a comenta.
Representantenan Democrata Suhas Subramanyam a haci yamado na Lutnick pa renuncia, bisando reporteronan: “Esey ta absolutamente impresionante, loke nos a caba di tende den e camber. E tabata evasivo, nervioso y deshonesto.”
E entrevista a centra principalmente riba Lutnick su bishita anteriormente revela na 2012 na Epstein su isla priva den Cairbe, cual a sucede varios aña despues cu Epstein su abuso tabata conocemento publico caba.
Den un entrevista den podcast aña pasa, Lutnick a conta bishita Epstein su cas na Manhattan na 2005 y a bisa cu e tabata asina perturba cu el a dicidi cu “nunca mas e lo ta den e mesun camber cu e homber vies aki.”
Sinembargo recordnan despues a mustra plannan na 2012 pa Lutnick reuni cu Epstein na Little Saint James, e isla na cual hopi biaha ta referi como “Epstein Island.”
Lutnick a reconoce durante e audiencia cu Senado e aña aki cu el a bishita e isla cu miembronan di su famia. Ansari a bisa cu legisladornan a interoga Lutnick cu “detaye profundo” tocante su relacion cu Epstein y a argumenta cu no ta posible cu el a keda sin sa di e acusacionnan contra Epstein despues di su acuerdo di culpabilidad den 2008 pa crimennan sexual.
Democrata di California Ro Khanna tambe a acusa Lutnick di no duna publico informacion veridico y a sugeri cu su testimonio a trece dilanti preguntanan fresco tocante si detayenan tocante Epstein su actividadnan ta scondi. “Awo nos sa dicon e entrevista aki no tabata graba,” Khanna a bisa. “Si Donald Trump lo a mira e video, e lo a despedi Howard Lutnick.”
Khanna a bisa Lutnick cu tambe aparentemente el a retira for di sugerencianan anterior cu Epstein a participa den operacionnan di blackmail involucrando grabacionnan. “Esaki ta trece dilanti pregunta tocante kico un cobertura ta,” Khanna a bisa.
Lutnick no ta acusa di comete ningun eror criminal y Republicanonan den e comite a defende e investigacion amplio contra acusacionnan for di Democratanan, cu el a bira politicamente selectivo.
E secretario di gabinete biyonario a acepta den maart testigua boluntariamente dilanti e comite despues di enfrenta scrutinio aumentando pa su lasonan cu Epstein.
Epstein a reconoce cu el a comete crimennan sexual den 2008 bao un acuerdo controversial y despues a keda acusa cu trafico di muchanan menor prome cu el a fayece den su cel di prison na New York na 2019, wardando su huicio. Su morto tabata declara un suicidio.
Reporteronan a grita preguntanan na Lutnick mientras el a yega pa su testimonio, pero el a cana drenta sin duna comentario na prensa.
